Baldaux = "post mallonga tempo":
Estu trankvila, mia tuta sxuldo estos pagita al vi baldaux.[FE.25]
Teatramanto ofte vizitas la teatron kaj ricevas baldaux teatrajn manierojn.[FE.37]
La tablo staras malrekte kaj kredeble baldaux renversigxos.[FE.33]
Kiam vi ekparolis, ni atendis auxdi ion novan, sed baldaux ni vidis, ke ni trompigxis.[FE.40]
Mi foriras, sed atendu min, cxar mi baldaux revenos.[FE.42]
Mia trijara ofico estos baldaux finita.[BV.43]
Ecx en bona afero tro multe ofte estas malbone; pri tiu vero li baldaux devis konvinkigxi.[FA3.119]
Baldaux ni cxiuj laboros kune, por atingi kiel eble plej baldaux nian komunan celon.[L2.106]
Kiu tro alten rigardon direktas, tiu tre baldaux okulojn difektas.[PE.1110]
Baldauxa = "tia, ke gxi okazos aux okazis baldaux": Knut estas en plena malespero pro mia baldauxa forveturo![FA3.61]
Baldauxe estas pli akcenta formo de baldaux: Estas pli bone forveturi plej baldauxe.[Rz.67]