Eksprefikso en kelkaj vortoj kun signifoj kiel "trans, super, inter, malantaux, post, k.s.": metamorfozo, metaforo, metabolo, metakarpo, metamero.
Uzata kiel vera prefikso en vortoj por sciencaj, artaj kaj similaj agadoj kaj kreajxoj, kiuj iel temas pri si mem, pri la propra scienco, arto k.t.p.: filozofio → metafilozofio = "filozofia teorio pri filozofia pensado", sciado → metasciado = "sciado de la propraj scioj kaj pensoj", poezio → metapoezio = "poezio, kiu temas pri poezio kaj kreado de poezio", lingvo → metalingvo = "lingvo uzata por paroli pri lingvaj fenomenoj". (Rimarku, ke la nekunmetita vorto metafiziko ne estas tia cxi META-vorto. Gxi ne estas "fiziko pri fiziko", sed filozofio pri la plej bazaj kauxzoj kaj principoj de cxio.)