Bazaj detaloj:
| Verkisto(j): | CSEH, A. - CHILDS-MEE, A. |
| Eldonejo kaj jaro: | IEI-Den Haag, 1992. (8a eld.) |
| Tipo de instruilo: | lernolibro |
| Nivelo: | por komencantoj |
| Celgrupo: | internacia |
| Aĝgrupo: | nedifinita |
Pliaj, detalaj informoj
Nia opinio:
La libro estas NE lernolibro, uzenda por la lernantoj,
sed estas gvidlibro por tiuj, kiuj gvidas kurson laŭ la klasika CSEH-metodo,
aŭ volas sekvi (eble nur studi, analizi) la paŝojn, materialon verkitajn
de la granda pedagogo mem, en la tridekaj jaroj, kaj tralaboritajn de
A. Childs-Mee, fama Cseh-instruisto.
La materialo nepre havendas por tiuj, kiuj sekvas Cseh-metodan seminarion
por fariĝi Cseh-instruisto.
En la libro troveblas tekstoj pri la metodo mem, utilaj konsiloj por instruistoj
de E-o (eĉ se ne Cseh-metodaj).
Informoj pri Andreo Cseh kaj pri la de li fondita instituto: IEI
Opinio de la legantoj:
El 5 opinioj, la averaĝa takso estas 3,0.
Nomo: Danuta (vojdan2@go2.pl)
Dato: 2003-01-12
Takso: 
Komento: Cseh metodo. "La plej bona metodo estas instrui Esperanton
per Esperanto". Paroligo estas principo de la metodo. Dum la lecionoj
la libroj ne estas bezonaj. Por la hejmaj taskoj oni povas prepari pli
da demandaroj kaj ekzercoj. Cseh instruisto povas instrui en ĉiu loko
de la mondo ne konante la naciajn lingvojn de kursanoj. Tuja konversacio
kun fremda lingvano pruvas sen dubo la utilecon de Esperanto. De la jaro
1929-a la metodo estas daŭre tre bona pro ĝia specifa etoso, kiu ligas
instruiston kun kursanoj. Subtila humuro agrabligas la lecionojn. ***
Andreo Cseh ----------------- " Ne imitu sklave, sed ŝanĝu, transformu
la materialon laŭ personeco, temperamento de la instruisto, laŭ la klareco
kaj intereso de la lernantoj kaj laŭ la lokaj cirkonstancoj.Havu inventemon
por ŝanĝi ion laŭ momentaj bezonoj."
Nomo: Boris Kolker (kolker@stratos.net)
Dato: 2002-07-18
Takso:
Komento: En malnovegaj tempoj, kiam en Sovet-Unio tute mankis Esperanto-lernolibroj,
mi (kaj miaj lernintoj) instruis per Cseh-metodo. Mia entuziasmo pri ĝi
ne forpasis, kaj mi varme skribis pri ĝi en mia lernolibro "Vojaĝo en
Esperanto-lando". Tamen la tekstaro vere iom malnoviĝis. Mi ne certas,
ĉu iu, samtalenta al la aŭtoro, povus samvalore verki modernajn anstataŭaĵojn.
Nomo: Aleksandr Ingor (ingor@rambler.ru)
Dato: 2002-06-16
Takso:
Komento: La metodo estas vere unika, sed ĝia efektiveco multe
dependas de instruisto. Oni ne devas trakti ĝin kiel dogmo. Krea aktiveco
de la instruisto kompencos la malnoveco de la metodo.
Nomo: Rubeno Fernández Asensio (rubeno@usitmail.com)
Dato: 2002-01-12
Takso:
Komento: Estas malpli ol libro, sed speco de arkeologia postsigno
de la pionira laboro de Andreo Cseh. Multaj aspektoj, kiel la redonataj
opinioj pri la rolo de la virinoj au pri la "primitivaj" popoloj, estas
vere ofendaj nuntempe. Tamen, de instruika vidpunkto, chu kiel modelo,
chu kiel malmodelo, estas sorĉa kaprompilo kaj ideofonto por chiuj instruistoj
alfrontintaj au alfrontontaj fremdajn klasojn sen komuna lingvo. Estus
bone se nuntempaj Cseh-instruistoj eldonus libroforme sian veran praktikon
en klaso.
Nomo: Ulrich Matthias (Ulrich.Matthias@t-online.de)
Dato: 2002-01-07
Takso:
Komento: La Cseh-metodo estas tre bona, sed tiu ĉi libro entenas
ĉefe la arkaikajn tekstojn de Cseh. Ni tre bezonus pli modernajn tekstojn
por Cseh-metoda instruado.
Aldonu propran komenton:
Ni ŝatus scii ankaŭ vian opinion pri la lernilo.
Bonvolu skribi ĝin al nia redakcio en aparta mesaĝo.
Bonvolu ne forgesi krom la teksta opinio doni ankaŭ poentan valoron
de 1 (malbona) ĝis 5 (tre bona).
Post la sendo de la mesaĝo via teksto kun la poentoj estos alŝutitaj
al la reta versio de la paĝaro.
Ni antaŭdankas vin pro via kontribuo.
Jen la adreso kien vi skribu: redaktanto@edukado.net