Bazaj detaloj:
| Verkisto(j): | BEHRMANN, H. - PEERAERTS, P. (trad.) |
| Eldonejo kaj jaro: | FEL, 1986 |
| Tipo de instruilo: | lernolibro |
| Nivelo: | por komencantoj |
| Celgrupo: | nacilingva |
| Nacia(j) lingvo(j): | germana, nederlanda |
| Aĝgrupo: | plenkreskuloj |
Pliaj, detalaj informoj
Nia opinio:
La populara materialo por nederlandlingvanoj (verkita
unue por germanlingvanoj), instruas la internacian lingvon en tre etaj,
zorge prilaboritaj paŝoj, kvazaŭ man-en-mano preninte la lernanton,
zorge (kaj rigore) kondukante lin aŭ ŝin laŭ la antaŭskribita vojo.
Multfoja ripetigo kaj redirigo de esprimoj, daŭra (enteksta kaj paĝaflanka)
traduko al la nacia lingvo ne lasas erari la lernanton, sed eble forprenas
ĉiun memstarecon kaj pensemon. La materialo ne estas konsilata por rapide
progresemuloj, senpaciencaj lernantoj, sed certe bone uzeblas (kaj uzitis)
ĉe (ne-lingvistikum-emaj) memstudantoj.
La materialon akompanas ankaŭ sonkasedo.
La germanlingvan version de tiu Esperanto-lernolibro
vi povas mendi ankaŭ ĉe EsperantoLand.
Opinio de la legantoj:
El 3 opinioj, la averaĝa takso estas 3,3.
Nomo: Sylvain Lelarge (sylvain.lelarge@wanadoo.nl)
Dato: 2002-07-03
Takso: 
Komento: Mi donas du stelojn ĉar la sistemo en si mem ne estas
malbone elpensita. Ĝi estis mia unua libro kaj mi lernis - mi diru -
okaze de ĝi, preskaŭ malgraŭ ĝi. La tekstoj estas nome tiom enuigaj
kaj la ŝercoj kaj desegnaĵoj tiom dubindgustaj ke transiri ĝin estis
pruvo de mia granda motiviĝo.
Nomo: Bernhard Maurer (maurer.erlangen@t-online.de)
Dato: 2002-06-29
Takso:
Komento: La lernprogramo "Esperanto-programita" estas - laŭ mia
opinio - la plej bona germana lernprogramo (pri la nederlanda mi ne povas
juĝi) por lerni Esperanton mem. Sen ĝi mi eble neniam lernus Esperanton
! Germanparolantoj trovas pli da informojn en la hejmpaĝo de la Esperanto-Centro
Berlin, kiu gvidas sinjoro Behrmann. Vidu http://home.snafu.de/behrmann/pakistan.htm
Tie vi ankau povas mendi ĝin. Mia personaj spertoj pri "Esperanto programita"
vi povas trovi en la germana parto de mia hejmpaĝo sub: http://www.fen-net.de/~ea1448/behrmann.html
Kore kaj amikece Bernhardo http://www.fen-net.de/~ea1448
Nomo: Ulrich Matthias (Ulrich.Matthias@t-online.de)
Dato: 2002-01-07
Takso:
Komento: En Germanio "Programita" estis la plej sukcesa Esperanto-lernilo
en la 70aj kaj 80aj jaroj. Sed la germana eldono intertempe apenaŭ plu
estas uzebla. Ĝi estas pedagogie bone farita, sed aspektas jam arkaike.
Frazoj kiel "Du belaj fraŭlinoj kaj du inteligentaj sinjoroj venas" forpuŝas
nuntempajn lernantojn.
Aldonu propran komenton:
Ni ŝatus scii ankaŭ vian opinion pri la lernilo.
Bonvolu skribi ĝin al nia redakcio en aparta mesaĝo.
Bonvolu ne forgesi krom la teksta opinio doni ankaŭ poentan valoron
de 1 (malbona) ĝis 5 (tre bona).
Post la sendo de la mesaĝo via teksto kun la poentoj estos alŝutitaj
al la reta versio de la paĝaro.
Ni antaŭdankas vin pro via kontribuo.
Jen la adreso kien vi skribu: redaktanto@edukado.net