Bazaj detaloj:
| Verkisto(j): | PEREVERTALJO, E.S. |
| Eldonejo kaj jaro: | Moskvo-Taŝkento |
| Tipo de instruilo: | lernolibro |
| Nivelo: | por komencantoj |
| Celgrupo: | nacilingva |
| Nacia(j) lingvo(j): | rusa |
| Aĝgrupo: | infanoj sub 10 |
Pliaj, detalaj informoj
Nia opinio:
La grandformata lernokajero estis verkita por infanoj
7-9-jaraj, kun la celo ekkonigi al ili E-on kaj instigi ilin al internaci-skala
komunikado. La aŭtoro enkompilis en la libron multajn desegnaĵojn kaj
konsilas la uzon de figuretoj, bildoj kaj ludiloj. Per multe da ripetadoj
kaj gramatikaj ŝablonoj celas atingi la memorfiksadon de vortoj kaj strukturoj.
La tuto sekvas la elementojn de la "natura metodo", kiu disvolviĝas nur
tiam, se la kursgvidanto agas laŭ ties konsiloj. Alikaze, simpla lega
uzo de la materialo faras ĝin la metodo "gramatika-traduka", malgraŭ
la uzo de ilustraĵoj.
La dekodigon de la lingvaj informoj multe helpas ne nur la desegnaĵoj,
sed ankaŭ la oftaj ruslingvaj instrukcioj kaj klarigoj, kiuj ĉiukaze
malfaciligus la internacian (ne nur ruslandan) uzon de la instruilo.
La prilaborita gramatikaĵo donas bonan bazon por postaj studoj, la leksiko
ĉerpas sian gamon el la ĉiutaga vivo, bestoj, legomoj, maĝaĵoj, simplaj
agoj, bazaj kvalitoj kaj karaktertrajtoj. La tuto sekvas iun "priskriban
tendencon, kaj malmulte preparas al buŝa komunikado kaj al korespondado.
Fine de la libro la aŭtoro raportas pri siaj valoraj spertoj pri kluba
vivo, instruo al infanoj, ilia korespondigo kaj donas siajn konsilojn
pri la temo.
Opinio de la legantoj:
El 2 opinioj, la averaĝa takso estas 3,5.
Nomo: manuel pedrosa (mamuelalvespedrosa@clix.pt)
Dato: 2003-01-02
Takso: 
Komento: Mi ne aldonas komentojn, ^car mi ne konas tiun lernolibron
sed mi apogas ^ciujn klopodojn kiujn celas al la disvastigado de la Esperanton
Nomo: Boris Kolker (kolker@stratos.net)
Dato: 2002-12-15
Takso:
Komento: Lernolibroj por infanoj de 7-9 jaroj estas granda maloftaĵo.
La aŭtoro klopodas instrui laŭ "natura metodo". Abundas desegnaĵoj
(bedaŭrinde, ne koloraj) kaj skemoj-ŝablonoj. Kvankam enestas nemultaj
ruslingvaj klarigoj por instruistoj (ofte kun Esperanta traduko), la lernolibro
estas uzebla internacie. Gratulon al la aŭtoro, vaste konata instruisto
de Esperanto, pro la nova sukceso!
Aldonu propran komenton:
Ni ŝatus scii ankaŭ vian opinion pri la lernilo.
Bonvolu skribi ĝin al nia redakcio en aparta mesaĝo.
Bonvolu ne forgesi krom la teksta opinio doni ankaŭ poentan valoron
de 1 (malbona) ĝis 5 (tre bona).
Post la sendo de la mesaĝo via teksto kun la poentoj estos alŝutitaj
al la reta versio de la paĝaro.
Ni antaŭdankas vin pro via kontribuo.
Jen la adreso kien vi skribu: redaktanto@edukado.net