Bazaj detaloj:

Nia opinio:

Kontakto estas revuo por tiuj, kiuj interesiĝas pri aliaj landoj, popoloj, kulturoj kaj socioj. Kontakto-n legas gejunuloj (kaj ĉiuj, kiuj sentas sin juna) el ĉ. 90 landoj, ankaŭ kunlaborantoj venas tra la tuta mondo. Speciale por komencantoj parto de tekstoj aperas en la lingvoj "facila" kaj "tre facila" laŭ la vortolisto de KONTAKTO, kiu reaperas kune kun la unua numero ĉiujare. La revuo bone uzeblas kiel aldona legomaterialo por la lingvolernantoj kaj ekzercantoj. Ankaŭ la tre belaj ilustraĵoj faras ĝin alloga.

Abonebloj: individuaj membroj kaj patronoj de TEJO ricevas Kontakto-n automate. Aliaj povas aboni ĝin pere de UEA-kotizperanto aŭ rekte ĉe UEA (prezoj varias depende de la lando). Eblas ankaŭ kolektivaj abonoj (ekde 6 ekzempleroj) kun rabato de 40%!
Retpoŝto:kontakto@tejo.org.
Poŝtoadreso: Kontakto, p/k 89, UA-01030, Kijiv-30, Ukrainio

Opinio de la legantoj:

El 2 opinioj, la averaĝa takso estas 5,0.

Nomo: Eugenia Zvereva, la redaktorino de KONTAKTO (kontakto@tejo.org)
Dato: 2004-04-07
Takso:
Komento: Verku facile por KOTNAKTO!
Ĉiujare en KONTAKTO okazas konkurso de facillingvaj artikoloj (kun premioj!). Partoprenu ankaŭ vi aŭ viaj kursanoj, aŭ uzu facilajn tekstojn dum viaj lecionoj! En la aldonaĵo vi trovos (pdf-formate) la liston de facilaj vortoj.
Temoj de la venontaj numeroj de KONTAKTO:
– 199 (2004:1): ARTO (ĉefe moderna arto).
– 200 (2004:2): HUMURO.
– 201 (2004:3): DISKRIMINACIO – rasa, seksa, religia kaj aliaj formoj de diskriminacio. Ĉu ekzistas diskriminacio en via lando? Sciigu tion al la mondo!
Limdato: la 1a de majo.
– 202 (2004:4): LUDOJ (historio de diversaj ludoj, ekzemple, ŝakoj; modernaj ludoj, interkulturaj ludoj). Limdato: la 5a de junio.
– 203 (2004:5): RIFUĜINTOJ/HOMAJ RAJTOJ/TOTALISMO/DIKTATORECOJ.
Limdato: la 1a de aŭgusto.
– 204 (2004:6): TERORO/TERORISMO (inkluzive de hejma teroro/perforto).
Limdato: la 1a de oktobro.
Ni ankoraŭ ne planis konkrete aliajn temajn numerojn. Skribu – tiu decido povas esti ja la VIA. Inter eblaj temoj estas la jenaj: MANĜAĴOJ (kial normalaĵoj en iuj landoj estas ŝokaj en la aliaj?); POLITIKO (diversaj politikaj ideoj kaj ideologioj, avantaĝoj kaj problemoj de demokratio, kapitalismo/socialismo k.s.); MILITOJ (historia aspekto, nuntempaj militoj); TUTMONDIПO; SEKTOJ (kio estas “sekto”? kie estas la diferenco inter religio kaj sekto? kiel sektoj “kaptas” siajn viktimojn? ĉu malfacilas eskapi de sekto? kio ĝenerale allogas homojn en sektojn?); TOLEREMO KAJ SOLIDARECO.
Krome, ekde tiu ĉi jaro KONTAKTO ekkunlaboras pri la projekto Interkulturo http://www.interkulturo.net/. Kune kun la IK-teamo, KONTAKTO preparos artikolojn rilatajn al kultura diverseco, interkultura lernado, interkulturaj konfliktoj ktp. Viaj artikoloj / ideoj ĉi-temaj kaj ajnatemaj estas pli ol bonvenaj! www.interkulturo.net * Noto: se vi interesiĝas pri la temo, kies limdato jam pasis, sendu vian artikolon ĉiuokaze – ĝi simple estos publikigita en posta numero

Nomo: Geza KURUCZ (suli267@szeged.sulinet.hu)
Dato: 2004-04-06
Takso:
Komento: Mi konsideras la revuon Kontakto la plej interesa periodaĵo de nia nuntempa Esperantujo. Interesaj temoj en stilo kaj lingvaĵo komprenebla kaj alloga. Kontakto estas fieraĵo de nia tutmonda kulturo. Dankon pro ĝi al la redaktoro Ĵenja Zvereva.

Aldonu propran komenton:

Ni ŝatus scii ankaŭ vian opinion pri la lernilo.
Bonvolu skribi ĝin al nia redakcio en aparta mesaĝo.
Bonvolu ne forgesi krom la teksta opinio doni ankaŭ poentan valoron de 1 (malbona) ĝis 5 (tre bona).
Post la sendo de la mesaĝo via teksto kun la poentoj estos alŝutitaj al la reta versio de la paĝaro.
Ni antaŭdankas vin pro via kontribuo.
Jen la adreso kien vi skribu: redaktanto@edukado.net

Fermu la instruilfenestron