Bazaj detaloj:
| Verkisto(j): | DEGESYS, Gediminas |
| Eldonejo kaj jaro: | Aušra. Kaunas. 2001. |
| Tipo de instruilo: | lernolibro |
| Nivelo: | por komencantoj |
| Celgrupo: | nacilingva |
| Nacia(j) lingvo(j): | litova |
| Aĝgrupo: | pluraj |
Pliaj, detalaj informoj
Nia opinio:
La laŭekstere plaĉa, alloga libreto kun 30 lecionoj
celas specialan publikon, almenaŭ laŭ la konstruo de la unuopaj lecionoj.
La unuoj komenciĝas per dulingva vortolisto, kiun sekvas mallonga klarigo
kun ekzemploj pri kelkaj bazaj eroj de la gramatiko. La elekto, kaj ĉefe
la vicordo de tiuj eroj estas la unua ŝoko por la praktikantaj instruistoj.
(Nur kelkaj ekzemploj: 5-a leciono: -iĝ; 6-a leciono: mal- kaj numeraloj
ĝis 10; 9-a leciono numeraloj ĝisfine; 10-a leciono: pasivaj participoj;
15-a leciono: ordaj numeraloj; 17-a: simplaj adverboj.)
Certe ŝokus kelkajn ĝisostulojn de nia movado la listo de kvindeko da
neologismoj, kiujn la aŭtoro prezentas kiel anstataŭantojn de la mal-vortoj.
Pli grandan ŝokon kaŭzas post la gramatika parto de la unuopaj lecionoj
la elekto de la tesktoj: komence simplegaj gramatikcelaj frazserioj, bazaj
konversacioj, ekde la 6-a leciono: eroj el la Genezo, kulturhistoriaj,
sciencaj, interlingvistikaj tekstoj, al E-o tradukitaj poemoj,kaj fine
ankaŭ ŝercoj en dialogoj. La bunta elekto de la sufiĉe komplikaj tekstoj
neniel kongruas kun la traktataj gramatikaĵoj.
Librofine troveblas resumtabeloj pri afiksoj kaj mallongigoj, kaj certe
utilas ankaŭ la dudirektaj vortaroj.
La libreton ni NE konsilas al ordinaraj komencantoj, nur al poliglotaj
interesiĝantoj pri la internacia lingvo, kiuj mem pretas kaj ĝuas dedukti
kaj malkovri la zamenhofan lingvon, kiel la juna aŭtoro verŝajne mem
faris siatempe.
Estus interese legi la opinion ĉi tie de tiuj, kiuj jam provis la lernilon.
Aldonu propran komenton:
Ni ŝatus scii ankaŭ vian opinion pri la lernilo.
Bonvolu skribi ĝin al nia redakcio en aparta mesaĝo.
Bonvolu ne forgesi krom la teksta opinio doni ankaŭ poentan valoron
de 1 (malbona) ĝis 5 (tre bona).
Post la sendo de la mesaĝo via teksto kun la poentoj estos alŝutitaj
al la reta versio de la paĝaro.
Ni antaŭdankas vin pro via kontribuo.
Jen la adreso kien vi skribu: redaktanto@edukado.net