Bazaj detaloj:
| Verkisto(j): | BAVANT, Marc |
| Eldonejo kaj jaro: | Kava-Pech, 2003 |
| Tipo de instruilo: | vortaro |
| Nivelo: | por pluraj niveloj |
| Celgrupo: | internacia |
| Nacia(j) lingvo(j): | angla, ĉeĥa, franca, germana, hungara, pola, rusa |
| Aĝgrupo: | plenkreskuloj |
Pliaj, detalaj informoj
Nia opinio:
La vortaro, bele bindita kun alloga kovrilo, prezentas
panoramon de la nuntempa matematika scienco, ekde la nocioj instruataj
en baza lernejo ĝis tiuj instruataj en la unuaj jaroj de universitato.
La pli ol 1300 terminoj estas pedante kaj faknivele difinitaj. Ilin akompanas
uz-ekzemploj, indikoj pri la uz-kunteksto, la fonto, kaj eventualaj rimarkoj
fakaj aŭ terminologiaj. En la tuta teksto svarmas referencoj al aliaj
terminoj (parencaj nocioj, subnocioj, supernocioj, sinonimoj) kaj eĉ
al ilustraĵoj, prezentitaj aparte de la teksto en fina kajero 31-paĝa.
La aŭtoro zorgas "paroli matematikon" per glata Esperanta stilo kaj ĉiam
enkondukas la signifon de la simboloj, formuloj k.s., kiujn li paralele
uzas.
Tiu verko disponigas do al la Esperanta publiko ekvivalenton de la materialo
trovebla en nacilingvaj enciklopediaj fakvortaroj. La nuna stato de la
Esperanta faka terminologio tamen limigas la amplekson de la terminara
bazo, sed pere de seplingvaj tradukoj la aŭtoro aldonas plian faceton
al sia verko, tiun de tradukvortaro Esperanta-nacilingva, nacilingva-Esperanta
kaj eĉ nacilingva-nacilingva.
Aldone al la enciklopedia parto, al la nacilingvaj leksikonoj kaj al la
ilustraĵa kajero, la postulema leganto trovos ampleksan antaŭparolon
kun kritika pritakso de la uzitaj terminologiaj fontoj kaj prezenton de
la metodologiaj principoj aplikitaj en la verko.
Krom la grandaj libroservoj por aĉeti la libron vi povos turni
vin ankaŭ al la Eldonejo
Recenzo(j):
Por pli scii pri la vortaro aŭskultu la intervjuon kun la aŭtoro fare de Barbara Pietrzak (Pola Radio, elsendita je 2004-01-30) (2824 Kb, longeco: 11:33)
Opinio de la legantoj:
Ankoraŭ ne estas.
Aldonu propran komenton:
Ni ŝatus scii ankaŭ vian opinion pri la lernilo.
Bonvolu skribi ĝin al nia redakcio en aparta mesaĝo.
Bonvolu ne forgesi krom la teksta opinio doni ankaŭ poentan valoron
de 1 (malbona) ĝis 5 (tre bona).
Post la sendo de la mesaĝo via teksto kun la poentoj estos alŝutitaj
al la reta versio de la paĝaro.
Ni antaŭdankas vin pro via kontribuo.
Jen la adreso kien vi skribu: redaktanto@edukado.net