Bazaj detaloj:
| Verkisto(j): | VAITILAVIČIUS, Adomas |
| Eldonejo kaj jaro: | Vilnius. 1994. |
| Tipo de instruilo: | lernolibro |
| Nivelo: | por komencantoj |
| Celgrupo: | nacilingva |
| Nacia(j) lingvo(j): | litova |
| Aĝgrupo: | plenkreskuloj |
Pliaj, detalaj informoj
Nia opinio:
La lernilo baziĝas je la ekzercoj de la zamenhofa ekzercaro.
Laŭ ties paragrafoj kompiliĝas la lecionoj. La aŭtoro verkis vortolistojn
kaj gramatikajn klarigojn surbaze de la pritraktataj ekzemplofrazoj de
la EKZERCARO. Post ties prezento plej ofte 3 demandoj repensigas pri la
teksto. En la parto “Lernu parkere” troviĝas poemetoj kiuj per la
rimaĵoj celas plifirmigi la novan materialon. Proverboj, mallongaj tekstoj,
ŝercoj, kantoj (kun muziknotoj!), enigmoj finas la erojn de ĉiu paragraf-leciono.
Fine de la libreto legeblas klarigoj, konsiloj, gramatikaj resumtabeloj,
listo de mallongigoj, bibliografiaj indikoj pri la uzita kaj konsilata
fakliteraturo, nomoj kaj adresoj de E-organizaĵoj.
La libro enhavas kelkajn ilustraĵojn, prenitajn el aliaj konataj lerniloj.
Tiu fakto estas honeste menciita en la antaŭparolo.
Ni konsilas la uzon de la lernilo al grupoj kaj individuoj kiuj en malgrandaj
paŝoj, laŭ la spuroj de la granda majstro, tamen kun helpo de nacilingva
klarigo ŝatus alproprigi la lingvon.
Apartaj ekzercoj kaj materialoj necesos por parole praktiki la lingvon
kaj aktive uzi la lernitaĵojn!
Aldonu propran komenton:
Ni ŝatus scii ankaŭ vian opinion pri la lernilo.
Bonvolu skribi ĝin al nia redakcio en aparta mesaĝo.
Bonvolu ne forgesi krom la teksta opinio doni ankaŭ poentan valoron
de 1 (malbona) ĝis 5 (tre bona).
Post la sendo de la mesaĝo via teksto kun la poentoj estos alŝutitaj
al la reta versio de la paĝaro.
Ni antaŭdankas vin pro via kontribuo.
Jen la adreso kien vi skribu: redaktanto@edukado.net