Kelnero: Bonan tagon. Kion vi deziras?Gasto: Ĉu vi havas fromaĝon?
Kelnero: Jes.
Gasto: Donu al mi glason da fromaĝo.
Kelnero: Glason da fromaĝo?
Gasto: Jes.
Kelnero: Vi celas pecon da fromaĝo, ĉu ne?
Gasto: Ne, mi deziras glason da fromaĝo.
Kelnero: Ni ne havas glasojn da fromaĝo.
Gasto: Do, kion alian vi havas?
Kelnero: Ni havas salatojn, raguojn, supojn...
Gasto: Bone! Portu al mi pecon da supo!
Kelnero: Pecon da supo?
Gasto: Jes.
Kelnero: Vi celas - teleron aŭ bovlon da supo, ĉu ne?
Gasto: Ne, mi deziras pecon da supo.
Kelnero: Pardonu, sed mi ne povas doni al vi pecon da supo.
Gasto: Hmm. Do, kiujn trinkaĵojn vi povas proponi?
Kelnero: Limonadon, teon, kafon, vinon, bieron...
Gasto: Bone! Portu al mi teleron da biero!
Kelnero: Teleron da biero?
Gasto: Jes.
Kelnero: Vi celas - glason da biero, ĉu ne?
Gasto: Ne, mi deziras teleron da biero.
Kelnero: Pardonu, sed mi ne povas doni al vi teleron da biero.
Gasto: Ve! Kion alian vi povas proponi?
Kelnero: Ni havas kolbasojn, legomojn, fiŝojn, omletojn, fromaĝon...
Gasto: Bone. Portu al mi glason da fromaĝo!
