tradukoj: be bg de en fa fr hu la nl pt ru sk sv

²alg/oj [1]

algoj

Specioriĉa grupo de unu- aŭ plurĉelaj vivaĵoj, plej ofte vivantaj en akvo: tiu viro, glitinte sur tufo el malsekaj algoj, estis rapidigita kun kapo malsupre sur akran rifon [2].
Rim.: La algojn oni nuntempe ordigas al la regno „Protoctistae“ (= unue establiĝintoj), por kio ankoraŭ ne uziĝis e-a vorto.

blualgo, blua algo

Iu el cianobakterioj: ekzistas estaĵoj, ekzemple la bluaj algoj ..., kiuj bone fartas en alta temperaturo (ĝis 90 °C) [3].

brunalgoj, brunaj algoj

Algoj precipe maraj, brunkoloraj pro klorofilo c kaj flava farbosubstanco, konsistigantaj apartan filumon (Phaeophycophyta): vakameo ... estas ... brunalgo uzata en homa nutrado, precipe en Japanio [4].

ruĝalgoj, ruĝaj algoj

Algoj precipe maraj, ruĝkoloraj pro klorofilo a kaj aliaj farbosubstancoj, konsistigantaj apartan filumon (Rhodophycota).

verdalgoj, verdaj algoj

Algoj el diversaj grupoj, verdkoloraj pro klorofilo a kaj b: ene de la unuopaj taksonoj de la verdalgoj ekzistas diversaj organizaj formoj, de la unuĉeluloj kaj ĉelkolonioj ĝis la multĉelaj taloj [5].