tradukoj: be br cs de en es fa fi fr he hu it nl pl pt ru sk

^*almenaŭ

^*almenaŭ

1.

Eĉ limigante sin je la plej malgranda kvanto; ne malpli ol; se ne pli: por iri vi bezonos almenaŭ tri horojn. la foso, por preni la plej malmulte, havis almenaŭ ok futojn da larĝeco^Z. tio kostos almenaŭ dek milionojn. lingvo arta estas almenaŭ kvindek fojojn pli facila ol ĉia lingvo natura^Z. io tia, kio alproksimigus la celon almenaŭ je unu paŝo ^Z. neniu povas dubi, ke ĉiujn, aŭ almenaŭ la grandan plimulton da personoj ligas unu komuna ideo^Z.
Rim.: Kiam oni indikas santempe la superan kaj la malsuperan limon, oni prefere uzu minimume.

2.

Eĉ en la plej malfavora okazo; se estas neeble fari pli bone; se ne estas pli kontentiga solvo: vi povas tute ĝin (la artikolon) ne uzadi, almenaŭ ĝis la tempo, kiam vi tute bone scios ĝian signifon ^Z. la vera stilo E-a estas, aŭ almenaŭ devas esti, nur stilo simpla kaj logika^Z. ha, mia Dio! almenaŭ ian simplan brasikaĵon^Z! almenaŭ neniun ili havu viva^Z! sed mi almenaŭ estas trankvila en mia koro^Z. tio prezentas estontecon malgajan, nudan, sed almenaŭ jam klare difinitan^Z.

3.

Se ne aliaj: eĉ se vi obeas, almenaŭ mi kontraŭstaros tiun ordonon.