tradukoj: be ca de en es fr gl hu it nl pl pt ru

^*falĉ/i

^*falĉi

1.

Detranĉi herbon kaj grenon per falĉilo: falĉi grenon; falĉa (irareira) movado; prifalĉi kampon.

2.

(figure) Buĉi, amase kaj rapide mortigi: la pafado falĉis multajn rekrutojn; la tempo falĉas la homajn vivojn.

falĉilo

Longa, larĝa, iom kurba ŝtala klingo, fiksita al longa ligna tenilo, kaj servanta por detranĉi herbon kaj grenon; falĉilo estas atributo de Tempo.

falĉileto

Malgranda falĉilo, duonronde kurba kun mane longa tenilo, por detranĉi grenon aŭ herbon. serpo

postfalĉaĵo^Z

Herbo, kiu kreskas post la unua falĉo: Li kreis akridojn en la komenco de kreskado de la postfalĉaĵo [1]. postfojno

falĉmaŝino

Maŝino anstataŭanta falĉilon por rapide kaj grandakvante falĉi rikoltojn.

krurfalĉo

Kapto aŭ baro de la piedo de iranto, kaŭzanta stumblon aŭ falon: ĉu ... la diablo ne faligus min per krurfalĉo, por ke mi rompu al mi la kapon? [2]