tradukoj: de en es fr hu nl pl pt ru

forc/i [1]

forci

1.

Kultivi subvitre plantojn, donante al ili la plej bonajn kondiĉojn, por ke ili rapide kresku.

2.

Perforte ŝanĝi la kondiĉojn por pli facile povi atingi ion: sed kompreneble kaj bedaŭrinde oni ne volas trankvile ĝisatendi la naturan plenumiĝon de tiu evoluo, sed klopodas forci ĝin [3].

forcejo

Vitra domo aŭ kesto kun vitra surfaco, kie oni forcas plantojn: iom for staris belega granda forcejo, ĝiaj miloj da kristalaj paneloj scintilis en la sunlumo [4].

forceja efiko

Varmiĝo kaŭzita per tio, ke ŝirma substanco (ekzemple vitra fenestro) enlasas radiojn de certaj frekvencoj, kiuj kunportas varmon, sed ne ellasas la reflektitajn radiojn, kiuj havas alian frekvencon. Ĝenerale konata tiu efiko iĝis pro la varmiĝo de la tera atmosfero, kiun kaŭzas molekuloj de karbondioksido, akvo, ozono, metano kaj aliaj gasoj reflektante la infraruĝajn radiojn el la tersurfaco: metano, eligita de ruktantaj bovoj, kontribuas al la forceja efiko, kiu ĥaosigas la klimaton [5].