tradukoj: pt

-iĉ

I.

-iĉ

Neoficiala sufikso markanta ĉe la vivuloj la sekson organizitan por demeti en aliseksan animalon la semon de ido: pozas loze kaj ripoze doktoriĉo zita zorn [1]; ĉu katiĉo ofte vizitas la idojn? [2]; juvelo kaj beluliĉo plaĉas al ŝi [3]; instruistiĉo [4].
Rim.: Ĉi sufikso neniam uzeblas kun viraj radikoj (patro, sinjoro, edzo k.a.), nur kun la neŭtralaj radikoj. Preferinde uzu la fundamentan vir- (virkato) anstataŭ -iĉ (katiĉo), kaj neniam uzu neŭtralajn radikojn (sen vir- aŭ -iĉ) kvazaŭ viraj radikoj, tia uzado virigas ilin kaj kreas konfuzon. La sekse neŭtralaj radikoj estas: ĝeneralaj bestaj kaj homaj radikoj (besto, birdo, insekto, fiŝo, homo, persono, infano k.a.); la sufiksoj: -ul, -ist, -an, -estr kaj -id; participoj kun O-finaĵo (-anto, -into, -onto, -ato, -ito, -oto); ĉiuj bestospecioj (kato, leono, ĉevalo, zebro, hundo, lupo, koko, ansero, pasero, ezoko, formiko, araneo, muŝo k.a.); diversaj ne-familiaj homaj rilatoj (amiko, kolego, gasto, najbaro, membro, ĉefo, kamarado k.a.); ktp. Legu artikolon Seksa signifo de O-vortoj [5] de Bertilo Wennergren.

II.

Samsignifa vortero uzata memstare:

iĉo

(neologismo)

Vivulo de sekso kapabla demeti en aliseksan animalon la semon de ido: aĉa iĉo ... [6]; jes respondas la iĉo [7].