tradukoj: be de en es fr hu nl ru tp

¹kapital/o

kapitalo

1.

Parto de la riĉaĵoj uzata por produktado; profiton donanta proprumaĵo; tuto de la provizaĵoj kaj iloj, t. e. laborrimedoj: (figure) enmeti en siajn verkojn grandan kapitalon da tempo, laboro, povosciado kaj ekzerciteco^Z.

2.

Sumo de posedata mono, konsiderata kiel ĉefaĵo, kontraste kun la rento, konsiderata kiel akcesoraĵo.

3.

Valoraro (produktiloj, laborforto kaj mono), kiun propraĵulo ne uzas por sia persona laboro kaj kiu kreas plusvaloron, dank' al la fakto, ke ĝi estas monopolo de la ekspluatanta klaso: dum sia rondira cirkulado la kapitalo senĉese formŝanĝas: mono, varo, mono ktp.

kapitalismo

Ekonomia funkciado, en kiu grandajn firmaojn posedas pliparte privataj kapitalhavantoj: necesas ĝuste taksi la nuntempan situacion, kaj ne kredi, ke nia deziro pri baldaŭa forfalo de l’ kapitalismo sufiĉas, por ke ĝi efektiviĝu [1]. liberalismo ²

kapitalisto

Homo posedanta kapitalon, de ĝi ricevanta renton.

konstanta kapitalo

Produktiloj, krudaĵoj, helpmaterialo.

variebla kapitalo

Konsumiloj de la salajrularo (valoro do la laborforto).

socia kapitalo

Sumo de ĉiuj kapitaloj funkciantaj en la homa socio.

individua kapitalo

kapitalo funkcianta en entrepreno kaj apartenanta ĉu al unu kapitalisto ĉu al kapitalista societo.

fiktiva kapitalo

Monsumo ne funkcianta en la produkta aŭ cirkulada procezo, sed donanta interezon: ŝtataj obligacioj.

financa kapitalo

1.

kapitalo subiganta la industrian kaj komercan kapitalon (Hilferding).

2.

Interpenetrado de banka kaj industri-komerca kapitaloj ĝis tiom forta grado, ke ĝi kondukas al koncentrado de produktado kaj sekve al monopoloj (Lenin). Krome ekzistas ankoraŭ i. a.: industria, komerca kapitalo donanta profiton. mona, pruntedona kapitalo donanta interezon.

  Por ĉiuj fakaj derivaĵoj mankas la fontindiko. Kelkaj estas
  dubindaj.
  [MB]