klopod/i

^*klopodi

Uzi sian kapablon kaj energion por efektivigi ion per ĉiuspecaj provoj: li pensis kaj klopodis pri la malfeliĉa loĝantaro^B; li klopodas ĉe la ministro pri sia domo kaj kampo^Z; klopodi por fondi societon, por ricevi subvencion, trovi loĝejon; multe klopodi por atingi neniun rezultaton; ĉiu klopodu nur en sia metio^Z.

Rim.: Celi, okupiĝi, klopodi, zorgi estas sencoparencaj, sed celi insistas pri la deziro al la atingotaĵo, klopodi pri la eksteraj agoj, paŝoj kaj provoj necesaj por sukcesi, okupiĝi pri la streĉo de la atento kaj la absorbiĝo de la spirito, zorgi pri la maltrankvileta atento kaj la prirespondeco koncerne la farotaĵon.

klopodo

Zorga kaj pena agado por realigi entreprenon kaj venki eblajn kontraŭaĵojn: la klopodo trovi lanterniston falis sur la konsulo de Usono^B; mi estas en klopodoj de l' kapo ĝis piedoj^Z.

Maltrankviliga prizorgo, maltrankviletigo: mankis al Petro klopodoj, li aĉetis al si domon [1]; pli da havo, pli da klopodoj [2]; tute vane vi faras al vi multe da klopodoj pri la uzado de la artikolo^Z; ne faru al vi la klopodon, mi trovos mem la straton.

klopoda

Haviganta klopodojn: klopoda laboro.

tradukoj

anglaj

~i: undertake.

belorusaj

~i: клапаціцца, мець клопат, увіхацца; ~o: клопат; ~a: клапотны.

ĉeĥaj

~o: úsilí, snaha.

francaj

~i: s'agiter, se battre, se démener, se préoccuper, se remuer, faire des démarches; ~o: démarche, agitation, formalité, soin, souci, tracas; ~a: qui cause des tracas. ne faru al vi la ~on: ne vous en faites pas.

germanaj

~i: sich bemühen, sich Mühe geben, bemüht sein; ~o 1.: Bemühung, Bestrebung; ~a: sich bemühend, angestrengt.

hispanaj

~i: esforzar se, tratar de, intentar conseguir; ~o: afán, esfuerzo.

hungaraj

~i: igyekszik, törekszik; ~o 1.: igyekvés, törekvés; ~o 2.: gond; ~a: fáradságos.

nederlandaj

~i: pogen, trachten, streven, moeite doen; ~o: poging, moeite; ~a: vermoeiend.

portugalaj

~i: esforçar-se; ~o: esforço.

rusaj

~i: хлопотать; ~o: хлопоты, забота; ~a: хлопотный.

^*klopod/i