tradukoj: be de en fr hu nl pt ru

³kont/o [1]

konto

1.

Komerca skriba kalkulo pri ŝuldoj aŭ havoj de aparta persono: reguligi sian konton (pagi la ŝulditon); enskribi sumon en ies konton^B; malfermi konton al iu; havi kurantan konton ĉe sia bankiero, ĉe la poŝto; (figure) komerci je sia propra konto^B (estante la prirespondanta mastro); (figure) reguligi la kontojn kun iu (trakti iun laŭ lia merito; sin venĝi); (figure) la popolo postulos konton de la regantoj (postulos, ke ili pravigu siajn agojn); (figure) ŝuldi konton al iu (devi pravigi sian konduton antaŭ li).

2.

En komputa sistemo por pluraj uzantoj, datumo indikanta kiujn komputilajn rimedojn rajtas uzi uzanto (kaj po kiom da ili). Tian konton de uzanto identigas ties salutnomo.

kontisto, kontregistristo

Homo, kies ofico estas kalkuli la kontojn.

bankkonto

Konstanta konto de ies deponaĵoj en banko: la sekretaj bankkontoj de ... Svislando [2].

ŝparkonto

Bankkonto, el kiu deponinto longe ne elprenas, sed kiu kompense havigas al li konstantan renton: oni deponus similan sumon en ŝparkonto ĉe banko [3].

konteltiro

Dokumento listiganta la spezojn de konto dum difinita tempodaŭro: vi povas ankaŭ ĉiam ricevi aktualan konteltiron, laŭpete [4].