tradukoj: be de en es fr hu nl pl pt ru

^*kristal/o

^*kristalo

1.

Ero de korpo, kiu prenas, ĉe solida stato, la formon de regula aŭ simetria poliedro: kuba, prisma kristalo; kristaloj de marsalo, bismuto, glicerino; lavkristalo (potasa karbonato).

2.

Tre pura senkolora vitro: kaliko el facetita kristalo; spegulo el venecia kristalo; vazoj el bohema kristalo; la vero estas multfaceta kristalo.

3.

(figure) Klaraĵo, diafanaĵo: la kristalo de fontano, lago; kristala ondo; kristala klareco de la elparolado; kristala (tute sincera) animo.

kristaligi

1.

Doni la kristalan formon.

2.

(figure) Realigi laŭ difinita formo: tiu amaskunveno ateste kristaligis la deziron de la popolo.

kristaliĝi

1.

Preni la kristalan formon: la sulfuro povas kristaliĝi; la prujno kristaliĝis sur la arboj.

2.

(figure) Koncentriĝi en pli konkretan kaj fiksan formon; realiĝi laŭ difinita formo: lia tuta malamo kristaliĝis en tiun projekton; la opinioj ŝajnas kristaliĝi al unueca solvo de la problemo; tiu tendenco kristaliĝis en la programon de la societo; la lingvo ne devas kristaliĝi (rigidiĝi); kristaliĝinta (ne plu progresanta) civilizo.