tradukoj: be bg cs de en fr hu ja nl pl pt ro ru sv tr vo

^*printemp/o [1]

^*printempo

Sezono, dum kiu denove kreskas la vegetaĵoj, post vintro, antaŭ somero (laŭ la gregoria kalendaro en la norda hemisfero proksimume de la 21a tago de marto ĝis la 21a de junio; en la suda hemisfero proksimume de la 23a de septembro ĝis la 21a de decembro): unu kukolo printempon ne venigas ^Z; printempo semas, aŭtuno rikoltas [2]; al glacio printempa kaj al amiko tro nova ne fidu [3].

printempa

Okazanta en printempo, per sia etoso simila al printempo: kie la rivero muĝis, ŝveligita de la printempaj pluvoj [4].

printempi

Aspekti, aperi kiel printempo: kvankam jam printempis sur la Nordorienta tero, oni tamen sentis malvarmeton en Jinzhou [5].

Praga Printempo

Liberala reformo de la ĉeĥoslovaka ŝtato kaj sekva subpremo de tiu reformo fare de la sovetia armeo en la jaro 1968a: antaŭ 40 jaroj en aŭgusto 1968 Sovetunio kaj ties satelitoj sufokis la Pragan Printempon [6].