tradukoj:
be cs de el en es fr he hu nl pt ru sv vo
*vizit/i
*viziti
(tr)
- 1.
-
Iri por vidi iun hejme:
antaŭ tri tagoj mi vizitis vian kuzonZ;
veni viziteZ;
la kuracisto vizitas siajn klientojn.
- 2.
-
Iri por vidi ion:
viziti urbon, muzeon;
la konferenco estis bone vizitita;
teatramanto ofte vizitas la teatronZ.
- 3.
-
Iri regule ien:
viziti kurson, klinikonB,
lernejonB;
vizitadi gimnazionZ.
vizito
-
Ago viziti:
mia vizito faris al li grandan plezuronZ;
mizero faras viziton, ne atendante inviton
[1];
peti de kuracisto la konton de liaj vizitoj;
kondolenca vizitoZ;
la svedoj jam multfoje kaj multnombre faris vizitojn en Polujon
[2];
mi kun plezuro rememoras mian nelongan laboran viziton en
tiun landon en majo de la 1997a jaro
[3].
Rim.:
En la lingvo estas iom da hezito pri la amplekso de la nocio
vizito: ĉu ĝi estu limigita je nura restado, gastado ktp --
aŭ entenu kaj la alvenon, kaj la restadon. La diferenco
montriĝas kiam temas pri loko kiu rolas kiel celo de vizito:
ĉu
vizito en biblioteko aŭ
vizito en bibliotekon? Ambaŭ uzoj ekzistas en la
lingvo; la dua ebligas pli distingeman uzon de la
komplementoj, simetrie kun la verba formo, kp:
Mi vizitis plurajn hejmojn tie. ― Mi multe vizitis tie.
― Mi faris multajn vizitojn tie
(„tie“ aperas kiel loka, fona komplemento). Kaj kontraste:
mi faris multajn vizitojn tien
(ekz-e „ĉe ŝian tombon“,
„tien“ aperas kiel cela komplemento).
Kp ankaŭ:
Knut volis fari viziton al la patro de Anjo
[4];
pilgrimado al la sanktaj lokoj kaj vizitoj al historiaj
vidindaĵoj
[5].
[Sergio Pokrovskij]
[^Revo]
[vizit.xml]
[redakti...]
[artikolversio:
1.21 2006/03/24 17:31:21 ]