Ekssufikso en iuj vortoj por inflamoj: nefrito, oftalmito, encefalito, dermatito, otito.
"Inflamo". Malofte uzata en medicino kiel vera sufikso post nomo de organo: orelo → orelito = "orelinflamo, otito". Normale oni uzas internaciajn nekunmetitajn radikojn, sed ofte la internacia vorto ankaux povus esti Esperanta kunmetajxo, cxar la radikoj estas samformaj: bronkito, apendicito, laringito, meningito, ostito k.a. En nefaka lingvajxo oni uzu kunmetojn kun la vorto inflamo: reninflamo, derminflamo, orelinflamo k.t.p. Versxajne tiaj vortoj tute konvenus ankaux en faka lingvajxo.