Bazaj detaloj:
| Verkisto(j): | FIEDLER, Sabine - RAK, Pavel |
| Eldonejo kaj jaro: | KAVA-PECH. Dobřichovice. 2004. |
| Tipo de instruilo: | lingvistika libro |
| Nivelo: | por pluraj niveloj |
| Celgrupo: | nacilingva |
| Nacia(j) lingvo(j): | angla, esperanto, franca, germana, nederlanda |
| Aĝgrupo: | pluraj |
Pliaj, detalaj informoj
Nia opinio:
Jen ĉarma libreto kun ĉ. 70 frazeologiaj frazoj, akompanataj
de klarigoj kaj du kuntekstoj, ĉerpitaj el literaturaĵoj, fakaj tekstoj
kaj artikoloj de periodaĵoj. La klarigojn kaj ekzemplojn helpas kompreni
kaj rememori la spritaj ilustraĵoj de la por ni jam konata (ekzemple
el Tendaraj tagoj kaj Juna amiko) desegnisto Pavel Rak.
3-4 diverslingvaj ekvivalentoj de la esprimoj faras la libreton eĉ pli
alloga. Krom la preskaŭ konstante aperantaj germanaj, anglaj, francaj
kaj ĉeĥaj ekzemploj, foj-foje legeblas frazoj nederlandlingve, ruse,
pole, indonezie, hispane, hungare, norvege. Tiuj sporadaj aperoj de aliaj
lingvoj levas la demandon: kial ne ĉe ĉiuj, kie ekzistas la samaj esprimoj.
La libreto ĉerpas sian materialon el scienca studoverko de la aŭtorino,
kies libroforma versio estas jam prezentita sur nia paĝaro. Serĉu la
libron Esperanta frazeologio.
La libreton ni konsilas kaj por dumkursa uzo kaj por memlernantoj aŭ
simple kiel amuzan legaĵon por ĉiu esperantisto.
Por aĉeti la libron vi povos turni vin ankaŭ al la Eldoneja
hejmpaĝo
Aldonu propran komenton:
Ni ŝatus scii ankaŭ vian opinion pri la lernilo.
Bonvolu skribi ĝin al nia redakcio en aparta mesaĝo.
Bonvolu ne forgesi krom la teksta opinio doni ankaŭ poentan valoron
de 1 (malbona) ĝis 5 (tre bona).
Post la sendo de la mesaĝo via teksto kun la poentoj estos alŝutitaj
al la reta versio de la paĝaro.
Ni antaŭdankas vin pro via kontribuo.
Jen la adreso kien vi skribu: redaktanto@edukado.net