Bazaj detaloj:
| Verkisto(j): | GUBBINS, Paul |
| Eldonejo kaj jaro: | 1998-2001. |
| Tipo de instruilo: | filmo |
| Nivelo: | por komencantoj |
| Celgrupo: | internacia |
| Aĝgrupo: | nedifinita |
Pliaj, detalaj informoj
Nia opinio:
La videokurso konsistas el 15 vidbendaj lecionoj de po
30 minutoj. Distra, sed tamen didaktikcele konstruita historio, simila
al televid-stila "sap-opero" pri, por kaj en esperanto. La filmo uzeblas
por memstudado kaj ankaŭ por grupa instruado. La ekzercoj, pretigitaj
de Stefan MacGill helpas la prilaboradon de la materialo. D. Charters
nun verkas gvidlibron por la materialo.
Praktikaj informoj: La distribua formo estas lecionoj 1-4 en du
kasedoj, 5-8 du kasedoj, 9-12 du kasedoj. Lecionoj 1-12 jam aperis kaj
estas aĉeteblaj. Lecionoj 13-15 estas filmitaj, verŝajne aperos en 2002.
En nia LERNILOTEKO vi trovas ekzercojn
por la lecionoj 9-12.
La filmo ekzistas en PAL-VHS-serio (vendata de FEL), kaj ankaŭ en NTSC-sistemo
(aĉetebla ĉe ELNA), pretiĝos poste ankaŭ en DVD-formato.
Por pli detalaj informoj iru al la: hejmpaĝo de ELNA
Opinio de la legantoj:
El 3 opinioj, la averaĝa takso estas 4,0.
Nomo: Phil DORCAS (pdorcas@sbcglobal.net)
Dato: 2003-10-02
Takso: 
Komento: Mi instruas per ĉi tiu filma serio kun tre bonaj rezultoj.
Ekzistas multaj metodoj por kiel instrui per la Pasporta kurso. En la
klaso ni faras dialogojn de tiu rakonto, unue tre malgrandan parton de
la dialogo. Ni spektas la rakonton. Poste mi faras parton "A" de iu simpla
dialogo kaj studanto faras parton "B" de simpla dialogo. Poste la studantoj
ekzercas duope. Mi rilatas la instruon al la vidbendo, kies amuza rakonto
tenas la intereson de la lernantoj. La vidbenda kurso donas la temojn,
kaj mi uzas kelkajn metodojn de edukado.net por aldoni al la instrumaniero.
Dum du-hora kunsido, ni spertas multajn instrumanierojn - dialogoj, simpla
instruado, babilado pri la rakonto, diversaj ludoj kaj ekzercoj. Sed la
temoj venas el "Pasporto."
Nomo: Boris Kolker (kolker@stratos.net)
Dato: 2002-07-18
Takso:
Komento: Mi vidis nur lecionon 1, bedaŭrinde. Al mi ĝi ege plaĉis.
Mi varme rekomendas ĝin al ĉiuj. Eble, en Fortaleza mi sukcesos vidi
pliajn lecionojn.
Nomo: Pálma Csiszár (abonasoft@pro.hu)
Dato: 2002-06-29
Takso:
Komento: Figuroj ne realaj, tro strangaj.
Aldonu propran komenton:
Ni ŝatus scii ankaŭ vian opinion pri la lernilo.
Bonvolu skribi ĝin al nia redakcio en aparta mesaĝo.
Bonvolu ne forgesi krom la teksta opinio doni ankaŭ poentan valoron
de 1 (malbona) ĝis 5 (tre bona).
Post la sendo de la mesaĝo via teksto kun la poentoj estos alŝutitaj
al la reta versio de la paĝaro.
Ni antaŭdankas vin pro via kontribuo.
Jen la adreso kien vi skribu: redaktanto@edukado.net