tradukoj: be br de en es fr hu it nl pt ru sk sv tr

^*adult/i [1]

^*adulti

Rompi la geedzan fidelecon per seksa rilato kun alia persono: ne adultu [2]; se iu adultis kun la edzino de sia proksimulo, estu mortigitaj la adultinto kaj la adultintino [3]; kiu rigardas virinon, por deziri ŝin, jam adultis je ŝi en sia koro [4].

adulto

Ago adulti: Mi levos la randojn de viaj vestoj ĝis via vizaĝo, kaj montriĝos via hontindaĵo, via adulto, via voluptegeco, viaj malĉastaj pensoj [5]; la skribistoj kaj Fariseoj alkondukis virinon, kaptitan en adulto [6]; li kontestis la dian devenon de la persaj reĝoj, asertante, ke iliaj patrinoj per la dia deveno intencas nur kaŝi siajn adultojn [7].

adulta

1.

Adultanta: vi konstruis tiom da grandiozaj temploj kaj statuoj honore al dioj malbonaj, venĝemaj, adultaj kaj falsaj [8].

2.

Rilata al adulto: por mia sento estus ja inkub' // eĉ sonĝe la adulta am-amuzo [9]; (malofte) vi devigos Beatricon esti ĉiame nur via neleĝa kunkuŝantino, kaj Maŭricon, nur adulta infano (naskita sekve de adulto) [10].

adultado

Ago ade adulti: malbenado kaj trompado, mortigado, ŝtelado, kaj adultado tre disvastiĝis [11].

adultaĵo

adulto Mi vidis ĉiujn adultaĵojn de la defalinta Izrael, kaj Mi forpelis ŝin kaj donis al ŝi eksedzigan leteron [12].

adultema

Ema adulti: mi ne estas kiel la ceteraj homoj, rabemaj, maljustaj, adultemaj [13]; ŝi forigu la malĉastecon de sia vizaĝo kaj la adultemecon de siaj mamoj [14].

adultigi

Igi adulti: se mia koro forlogiĝis al virino, [...] tiam mia edzino estu adultigata de aliulo, kaj aliuloj kliniĝu super ŝi [15].

adultulo, adultulino

Kulpulo je adulto: la okulo de adultulo atendas la krepuskon, dirante: Neniu okulo min vidu [16]; Mi juĝos vin laŭ la juĝoj kontraŭ adultulinoj kaj kontraŭ sangoverŝantinoj [17].

sangadulto

incesto