erudici/o

erudicio

Vastaj, diversflankaj kaj detalaj scioj karakterizantaj koncernan homon: Vi certe havas grandan erudicion koncerne la antikvajn verkojn! [1]; Goethe konis lin (konsiliston Krespel): „stranga homo kun multe da talentoj kaj granda erudicio“ [2].

erudicia

Rilata al erudicio, propra al erudiciuloj: tre erudicia kaj laborema, li ne sciis, kion aspiri, kaj tial ofte malŝparis siajn fortojn por tradukado de triagradaj (se ne dekagradaj) verkoj [3]; la temo ripetiĝas en Mezepoko, kun apartaj erudiciaj prikonsideroj fare de Tomaso el Akvino [4] kaj la diferencoj, plejparte, estas piaj legendoj kaj erudiciaj mitoj, kiujn probable enŝovis kopiisto aŭ alia okcidenta klerulo [5].

erudiciulo

Homo posedanta erudicion: ni havis kaj ja havas en niaj vicoj multajn alte edukitajn homojn, sciencistojn kaj diversfakajn erudiciulojn, el kiuj ne malmultaj uzis kaj uzas tempon kaj energion por Esperanto [6]; nu, kion scias ordinara homo, eĉ esperantisto, eĉ erudiciulo, pri la malta kulturo? [7] ne ĉiu erudiciulo estas scienculo. SIN:

erudito.

tradukoj

anglaj

~o: erudition, scholarship; ~ulo: erudite person, scholar.

belorusaj

~o: эрудыцыя; ~ulo: эрудыт.

francaj

~o: érudition; ~ulo: érudit.

germanaj

~o: Gelehrtheit, Gelehrsamkeit; ~ulo: Gelehrter, gebildete Person.

hispanaj

~ulo: erudito.

hungaraj

~o: képzettség, tanultság; ~ulo: képzett ember, tanult ember.

polaj

~o: erudycja; ~a: erudycyjny; ~ulo: erudyta.

portugalaj

~o: erudição.

rusaj

~o: эрудиция; ~a: учёный, эрудированный; ~ulo: эрудит.

fontoj

1. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
2. E.T.A. Hoffmann, tr. Wolfgang Kirschstein: Konsilisto Krespel, Kaliningrad: Sezonoj, 2001. ― (Serio „Germana literaturo“, vol. 1a)
3. B. Tornado: Nikolao Ĥoĥlov, IMPETO-89, Moskvo, 1990
4. Pacienco
5. Sergio Pokrovskij: La libro de Marko Polo kaj ĝiaj tradukoj, La Ondo de Esperanto, 2002:3
6. Baldur Ragnarsson: Esperanta literaturo ― ĉu iluzio aŭ miraklo?, Libera folio
7. La Ondo de Esperanto, 2002. N-ro 6

3erudici/o