tradukoj: be bg de en es fr hu it la nl pl pt ru tr

^*intest/o

^*intesto

Parto de la digesta aparato de homo kaj bestoj, en formo de elasta tubo, lokita en la ventro: dika, maldika, rekta, blinda intesto; kaj al tio ankoraŭ la malsato ― baldaux ŝi havis la senton, kvazaŭ ŝiaj intestoj sin mem formanĝas kaj ŝi fariĝas interne tute malplena, terure malplena [1]; poste li distranĉis la ventron kaj tra la truo rapide eltiris la intestojn, koron kaj pulmojn [2]; ĉe bestoj senstomakaj ne estas ezofago, kaj tuj post la faŭko komenciĝas intesto.

intestaro

Parto de la digesta aparato de homo kaj bestoj, la tuto da ties intestoj: la dentoj, stomako, intestaro de la viandomanĝanta leono estas esence malegalaj je la samaj organoj de la kreskaĵomanĝanta elefanto [3]; ajlo reguligas funkciadon de la intestaro, plibonigas laboron de spirorganoj, malplialtigas kvanton de glukozo [4]; la tuta intestaro de Karlo estis ne plu iel kunkudrebla aŭ alie fiksebla [5]; pasintjare mi okazis en onkologia malsanulejo kaj bezonis operacion pro kanceraj tumoroj en la intestaro [6]; la abundeco de la lasta vespermanĝo tute perturbis lian intestaron, kaj vekas lin meze de la nokto [7].

dika intesto

Parto de la intestaro de homo kaj aliaj vertebruloj, kiu komenciĝas post la maldika intesto, kaj finiĝas ĉe anuso (ĉe la pliparto da mamuloj, fiŝoj k.a.) aŭ en kloako (iuj fiŝoj, reptilioj, birdoj k.a.).

maldika intesto

Parto de la intestaro de homo kaj bestoj, inter la stomako kaj la dika intesto.

rekta intesto

La fina parto de la dika intesto (kaj de la tuta intestaro), kiu malfermiĝas eksteren per anuso: klistero: Laksiga aŭ nutra fluaĵo, enŝprucigita en la rektan inteston tra la anuso [8].