tradukoj: be ca cs de en es fr hu nl ru tp vo

^*kapabl/a

^*kapabla

Povanta fari ion; havanta la ecojn aŭ plenumanta la kondiĉojn necesajn por fari ion: kapabla al ĉio^B; kapabla je krimo; mi bezonis personon, kiu estus kapabla precipe por altranĉado [1]; li estas kapabla fari tion – murmuretis la ĉefa juĝisto [2]; kapabla direktoro. spiko

^*kapablo

Ecoj, kondiĉoj necesaj por fari ion: ĉu ne estus al vi agrable havi tian saman kapablon [3]?; mi memoros vin, ĝis mia kapo perdos la kapablon de ĉia memorado^Z; la kajo povas servi al ŝipo kun la kargokapablo de 400 mil toneloj.

kapabli

Esti kapabla je io: kiom da viaj samtempuloj kapablas vivi senleĝe [4]?

kapableco

kapablo kapableco por desegnado [5].

kapabligi

Doni la necesajn rimedojn, ecojn, povon por fari ion: mi dankas [...] nian Sinjoron, kiu min kapabligas [6].

kapablulo

Ulo, kiu povas fari ion, havante ĉion necesan por ĝi: li estas fortulo kaj militkapablulo [7].

antaŭkapablo

Kapablo por onta tasko: iliaj voĉaj organoj tute ne montris ian grandan antaŭkapablon por la kantarto [8].

nekapabla

Ne povanta fari ion, ne havanta la rimedojn, kondiĉojn aŭ taŭgajn ecojn: ĉu ni estus nekapablaj fari tion, kion faras la Azianoj [9]?; nekapablulo.