tradukoj: be de el en es fr grc hu nl pt ru

²ortodoks/a

ortodoksa

1.

Konforma al la tradicia doktrino: ortodoksaj opinioj, verkistoj; ortodoksa judismo; en tiu ĉi eseo mi pritraktos nur la raŭmismon ortodoksan [2].

a)

Ortodoksa kaj tial bona, aprobinda: mi emas suspekti, ke la direktoro de „Espero Katolika“ ... estas ne tre ortodoksa kredulo [3]; En la tridek-tria jaro de l' feliĉa regado de Ramzes XII, Egipto festis du solenojn, kiuj plenigis ĝiajn ortodoksajn loĝantojn per fiero kaj feliĉo [4]. hereza

b)

Ortodoksa kaj tial tro dogmema kaj malaprobinda: pli ortodoksaj marksistoj, havantaj definitivajn antaŭsupozojn pri la eventuala formo de la nova kulturo, plendis ĉar la poemoj de Miĥalski ne havis tiun formon [5]. liberala

fundamentisma

2.

Rilata al la ortodoksa kristanismo: la rusa ortodoksa eklezio.

ortodoksa kristanismo

Formo de orienta kristanismo tradicia ĉe la grekoj, kartveloj, bulgaroj, serboj, rusoj, rumanoj kaj pluraj aliaj nacioj: en Sofio okazis akademia konferenco pri la temo „La religioj en Eŭropo kaj la estonteco de la ortodoksa kristanismo“ [6].
Rim. 1: La difinoj de PV kaj PIV: „grekrite kristana“ estas eraraj. La „grekritaj eklezioj“ ene de la romkatolika ne estas „ortodoksaj eklezioj“ laŭ sia dogmaro.
Rim. 2: Historie tiu nomformo estas mallongigo de la oficiala „ortodokse katolika“ (kristanismo, eklezio).

ortodoksismo ^PIV

La ortodoksa kristanismo, precipe kiam temas pri ĝiaj dogmaro kaj ritoj: ortodoksismo estas la orienta branĉo de kristanismo, ekzemple la grek-ortodoksismo, la rus-ortodoksismo [7].

ortodoksulo ^PIV

1.

Ano de eklezio apartenanta al ortodoksa kristanismo: sur tia bazo reunuigo de katolikoj kaj ortodoksuloj estas ebla [8]; Finnlando ja havas siajn proprajn ortodoksulojn, kaj povas okazi, ke iu finno ekpreferas ortodoksismon, komparinte ĝin kun sia denaska luterismo [9].

2.

Persono havanta opiniojn kaj konduton ortodoksajn¹: ortodoksuloj, akceptinte unu fojon por ĉiam ian dogmaron, ne plu interesiĝas pri alternativoj [10].

malortodoksa

Kontraŭa al tradicio; heterodoksa: bibliotekoj kaj librovendejoj estas elpurigataj je ĉiuj verkoj rigardataj kiel malortodoksaj [11].