tradukoj: be de en es fr hu nl pt ru

^*plekt/i

^*plekti

Kunigi plurajn fadenformajn objektojn, multfoje kaj regule interkrucigante ilin: plekti harojn, ŝnurojn, pajlon; plekti (fari plektante) reton el junko^Z; (figure) lia lango plektas (kombinas) falsaĵon^Z; (figure) kunplekti inter la anoj fortikan ligilon de solidareco.

plektaĵo

Objekto farita el plektitaj fadenoj aŭ vergetoj: pajloplektaĵo de seĝo; metalfadena plektaĵo de la kaĝo^Z; (figure) tiuj ideoj penetras tamen tra la densa plektaĵo de la homaj antaŭjuĝoj krado

ĉirkaŭplekti

1.

Plekti ion ĉirkaŭ: li ĉirkaŭplektis min per siaj brakoj (plektis siajn brakojn ĉirkaŭ min) [1]; el la amaso eliris dekkelko da junaj virinoj kaj ĉirkaŭplektis lian veturilon per floroj [2]; [fajro,] kiu pasie ĉirkaŭplektis la Teron per flamantaj brakoj [3].

2.

Volvi kun plektoj ĉirkaŭ io: ĉirkaŭplekti izolan strion ĉirkaŭ kablo [4].
Rim.: Mankas ekzemploj por ĉi tiu senco. Povas temi pri eraro de PIV, kiu cetere ne konas la unuan sencon, tamen ofte renkonteblan.

interplekti

Provizore aŭ nekomplete plekti: interplekti la manojn^Z; la arboj sur la bordoj interplektis siajn foliriĉajn suprojn^Z; (figure) interplekti la vortojn en ritmojn^Z; (figure) interplekto (implikaĵo) da intrigoj.

malplekti, displekti

Disigi la plektitajn erojn: malplekti trikaĵon, nodon, intrigon.

traplekti

Krucige trapasigi tra plektaĵo specialan elementon: traplekti bluan ŝtofon per flavaj fadenoj; (figure) argumentoj traplektitaj per diversaj citaĵoj kaj misteraj terminoj teknikaj^Z; (figure) traplekti siajn argumentojn per multo da laŭtaj aŭtoritataj nomoj^Z, (figure) da kvazaŭsciencaj frazoj^Z.