tradukoj: be de en fr hu pt ru

^*krad/o

^*krado

1.

(komune) Aro da lignaj aŭ feraj stangoj, interspace kunigitaj per transversaj samspecaj stangoj, kaj servanta kiel forta barilo: la kradoj de parko, domo, fenestro, monaĥejo, malliberejo; kameno ĉirkaŭita de arte aranĝita kradaĵo^Z.

2.

Nomo de la signo # (Askie 35).
Rim.: En Askion la signo trafis pro la Usona negocista tradicio, kie ĝi servis por enkonduki numeron („track #3“ t.e. „trako n-ro 3“) aŭ funtojn („a 5# sack of sugar“ t.e. „kvinfunta sukersako“). En komputado ĝi baldaŭ ricevis aliajn uzojn, ofte tute senrilatajn kun la indikitaj (ekz-e kiel surogato por signi neegalon, anstataŭ ≠). La nomoj „numersigno“ kaj „funtsigno“ estas nerekomendindaj ĉar ekster Usono ili estas malklaraj kaj eble eĉ erarigaj (oni povas havi aliajn „numersignojn“, ekz-e № en Rusio). diesoAskio

kradi

Provizi per krado: malgranda birdo alflugas al la kradita fenestro [1]

kradita

Ornamita per kradforme interkuciĝantaj linioj: mikskolore kradita ŝtofo^Z. kvadratitaplejda

ĉirkaŭkradi

Ĉirkaŭigi per krado.

dekradi^Z

Apartigi per krado.

krada^Z, kradeca

Prezentanta intencajn interspacojn, same kiel krado: tra la krada aperturo de la pordego^Z.

kradrosti

Kuiri manĝaĵon sur krado super fajro.

kradrostilo

Kuireja aparato, konsistanta el paralelaj ferstangetoj, sur kiujn oni metas viandon aŭ fiŝon, por ĝin ekrosti per vigla fajro.

latkrado

Krada lataro uzata en ĝardenoj por surkreskigi lianojn, aŭ kiel ornamaĵo.