tradukoj: be cs de es fr hu nl pt ru

^*proksim/a [1]

^*proksima

Apartigita per malgranda distanco:

a)

En spaco: proksima urbo, najbaro, lando; la malfeliĉa infano forkuris kaj kaŝis sin en la plej proksima arbaro [2]; proksima je, al, de io; rigardi ion de proksime; alporti ion de malproksime^Z; sendi iun malproksimen^Z. najbara

b)

En tempo: la proksiman (pasintan aŭ venontan) jaron; la tago de la edziĝo estis proksima; la plej proksima estonteco^Z.

c)

Per metaforo: proksima parenco; jam proksima (tuj preta) estas Lia helpo al tiuj, kiuj Lin timas [3]; ĝis la fina malapero de la muroj inter la popoloj, estas ankoraŭ tre malproksime^Z.

proksimigi

Fari ion proksima: proksimigu tiun seĝon; la artikolo ankoraŭ pli ilin malproksimigas de mi^Z.

proksimiĝi

Iĝi proksima: ne proksimiĝu al la pordo de ŝia domo^Z; via tasko proksimiĝas al la fino; la vintro alproksimiĝas; tiuj, kiuj malproksimiĝas de Dio, pereas^Z; la popoloj interproksimiĝas kiel unu familio^Z.

proksime de, proksime al

Apud, je malgranda distanco de: proksime al la fenestro estis libroj [4]. la unua estis mortpafita kiel ribelinto en milita malliberejo proksime de la memorparko [5].

proksimulo

Ĉiu homo, rilate al alia: amu vian proksimulon kiel vin mem [6]; ĉiu vidu en sia proksimulo nur homon kaj fraton^Z.

proksimuma

Ne tute ĝusta, sed nur proksima al la ĝusto: proksimuma kalkulo de la loĝantoj; proksimuma signifo de vorto^Z.

proksimume

Laŭ ne preciza takso, ne plene trafante la veron aŭ celon: la biblioteko enhavas proksimume (ĉirkaŭe) 100 volumojn; proksimume post unu horo la buso haltis [7].

malproksima

Ne apuda, trans longa spaca, tempa aŭ spirita distanco: tiu ĉi malfeliĉa infano devis du fojojn en ĉiu tago iri ĉerpi akvon en tre malproksima loko [8]; preĝejo proksima, sed Dio malproksima; [9] malproksima de mi estas la deziro ribeli^Z; malproksima de mi estas la opinio ke...; (figure) pli bona amiko intima ol parenco malproksima [10].

malproksime de

Je granda distanco, longa vojo, tempo aŭ strebo de: la stacio kuŝas unu mejlon malproksime de mia domo; resti malproksime de la celo; (figure) tia projekto staras ankoraŭ malproksime de realiĝo^Z; (figure) stari malproksime de la vero.

tuŝproksima

Tre proksima, kvazaŭ oni povus tuŝi: jen maldekstre spirhaltigas la reala, tuŝproksima simbolo de la katastrofo de antaŭ 60 jaroj [11].