tradukoj: be cs de en es fr hu it la pl ru sk vo

^*apud[1]

I.

Prepozicio esprimanta:

^*apud

Proksimecon, pli-malpli grandan najbarecon: li staris tutan horon apud la fenestro [2]; apud propra domo ŝtelisto ne ŝtelas [3]; la batalo apud Solferino.
Rim.: Pri uzo de apud kun akuzativo, vd al apud, apud ...-n.

malapud

(malofte)

En ioma distanco de; malproksime de: malapud mi, ne parolu [4].

al apud, apud ...-n

Al loko situanta apud: apud liajn ostojn metu miajn ostojn [5].
Rim.: Pri la prepoziciaj kunaĵoj kun al, vidu rimarkon sub al ĉe.

de apud

De ¹,² loko situanta apud: eliris de apud li ĉiuj [6].

II.

Memstara vortero kun tiu signifo:

apuda

1.

Estanta proksime: li loĝas en la apuda domo; la ĉapelo staras sur la tablo, kaj la gantoj kuŝas apude.

2.

[7] (p.p. du anguloj) Samlateraj kaj suplementaj: se du kruciĝantaj rektoj difinas du egalajn apudajn angulojn, tiam ili estas ortaj.
Rim.: Kvankam tiu ĉi termino aperas jam ĉe Bricard, ĝia tiama senco estas nur „samlatera“. La saman sencon ni retrovas en [8], nerekte konfirmitan en la geometria plato [9], kiu tekstas „apudaj suplementaj“. Tamen la terminologio jam ŝanĝiĝis, kiel konfirmas [10] kaj [11], kiujn ni sekvis por la difinoj de „samlatera“ kaj „apuda“.

apudi

(x)

Esti apud, apude, apuda: eble milfoje sentis ni sangbolon, dum en ardglua kuŝ' apudis ni [12]; Margarita sentis la proksimecon de akvo kaj komprenis, ke la celo apudas [13].

apudeco, apudo

Proksima ĉeesto: refoje li regustumis la tiklan plezuron de ŝia apudo [14].

apude de

(prepoziciaĵo)

apud la arbo staris tute apude de la rivereto [15].

ĉi-apuda

Kiu aperas apude, flanke en sama paĝo de teksto: la ĉi-apuda kurbo montras la variadon de la temperaturo dum provoj [16]. ĉi-malsupra, ĉi-supra

III.

Prefikso kun tiu signifo: li apudestas al sia patro; apudmeti. ĉe, en.