tradukoj: be de en es fr hu nl pl ru

^*sku/i [1]

^*skui

1.

Rapide abrupte kaj ripete ŝanceli kaj malfirmigi: skui arbon; post fruktoskuo de olivarbo [2]; skulavi^Z; (figure) eksterordinara krizo skuas la regnon; (figure) per tio ŝi estis iom skuita el siaj revoj^Z.

2.

Rapide abrupte kaj ripete svingi tien kaj reen: neante skui la kapon^Z; li forte skuis la skatolon.

3.

(figure) Malfortigi, malstabiligi, materie aŭ anime: la Eternulo skuis regnojn^Z; lia sano estas forte skuita; ne skuu mian animon^Z.

skuege^Z

Abrupte kaj krude: li kisis sian patrinon tiel skuege, ke ŝi preskaŭ renversiĝis [3].

skuiĝi

Svingiĝi tien kaj reen: forte skuiĝis la tero [4]; li ridis tiel, ke la ventro al li skuiĝis [5]. tremi

deskui

Faligi skuante: mi deskuis kokosojn [6]; deskuu la polvon de viaj piedoj [7]; (figure) la malpiuloj deskuiĝu el [la tero] [8]; (figure) tiel facile vi ne deskuos min! [9].

ekskui

Ion subite vigle movi, aŭ malfirmigi sur ĝia bazo: leono venis kaj ekskuis la kolhararon [10]; ia interna ŝanceliĝado ekskuis la intencon, kiu naskiĝis en ŝi antaŭ momento [11].

forskui

Rapide kaj krude forĵeti, forpuŝi: li forskuis la beston en la fajron [12]. (figure) forskui la jugon (sin liberigi), forskui de si iun penson^Z, ĉagrenon^B, ĉiujn ambiciojn^B; mi iom post iom forskuis la unuajn impresojn de timo kaj malĝojo.

neskuebla

Firma, fidela, ke ĝin oni ne renversas aŭ detruas: miaj decidoj estas neskueblaj; neskuebla fido.

senskue

Malabrupte, kun glata, konstanta iro: senskue kaj regule daŭras kaj disvolviĝas tiu proceso de la homa moviĝado, pensado kaj sentado, kiu estas nomata vivo [13].