tradukoj: be de en es fr hu it nl pl pt ru sv

^*tur/o [1]

^*turo

1.

Tre alta, ne tre vasta konstruaĵo, plej ofte ronda aŭ kvadrata: turo de preĝejo; la Pariza Ejfel-turo

2.

Ŝakpeco kutime figurata per turo, movebla laŭ vertikaloj aŭ horizontaloj de la ŝaktabulo.

regturo, kontrolturo

Turo ĉe flughaveno, de kiu oni observas kaj regas la avian trafikon: la atmosferaj kondiĉoj malebligis, ke la regturo vidu la akcidenton [2]; infana voĉo aŭdiĝis el la kontrolturo de novjorka flughaveno JFK [3].

lumturo

1.

Tura konstruaĵo kun supra ordinare rotacia lumĵetilego por montri la vojon al ŝipoj, aviadiloj kaj ceteraj.

2.

(figure) Gvidanto, gvidilo.

ebura turo

(frazaĵo) Klerula izoliĝo de la ordinara mondo: arto nun ne plu estas ponto inter la artisto kaj lia publiko. La artistoj fermiĝas en eburaj turoj, produktas, kaj poste ĵetas la rezultojn kvazaŭ spite al la publiko [4]; en tiu periodo filmlaborantoj eliris el la ebura turo kaj kontemplis, kion bezonas la plejparto de la ĉinoj en la vivo [5].