Kie estas la libro kaj la krajono?[FE.6] = En kiu loko estas la libro... Demanda kie.
— Kie estas la trancxiloj? — Ili kusxas sur la tablo.[FE.16] = En kiu loko estas... Demanda kie.
Mi montris al la infano, kie kusxas gxia pupo.[FE.18] Kie en demanda subfrazo.
Li scias, kie la kankroj pasigas la vintron.[PE.1386] Kie en demanda subfrazo.
Mi volis resti tie, kie mi estis.[FA3.135] Rilata kie.
Kie fumo levigxas, tie fajro trovigxas.[PE.875] Rilata kie.
En la kastelo estis granda societo, tie trovigxis multe da gastoj el la cxirkauxajxo.[FA3.49] = ..., en tiu loko (en la kastelo) trovigxis...
La plafono tie estis malalta.[M.105] = La plafono en tiu loko estis malalta.
Sxtelisto sxteliston evitas, cxar li tie ne profitas.[PE.2392] Tie = cxe sxtelisto.
Se li scius, ke mi estas tie cxi, li tuj venus al mi.[FE.20] = ...estas en tiu cxi loko proksime de mi, li tuj... Pri cxi vidu cxi-poste.
Li demandis sxin, kion sxi faras tie cxi tute sola.[FE.21]
Mi restas tie cxi laux la ordono de mia estro.[FE.26]
Tie kaj tie en la arbaro logxas homoj. Tie kaj tie aux tie kaj cxi tie (aux simile) = "en kelkaj disaj lokoj".
Iafoje kiam cxeestas rilata kie-subfrazo, tie povas esti forlasata.
Cxu vi logxas ie? = Cxu vi logxas en iu loko?
Certe gxi trovigxas ie cxi tie, tion mi scias.
Cxie estas varme, sed hejme plej cxarme.[PE.226] = En cxiu loko estas...
Kion mem mi faras, tion cxie mi flaras.[PE.935]
Malsagxulo cxie sian nomon skribas.[PE.1468]
Cxie, kien mi venas, trovigxas ia malbonajxo, kiu premas la koron.[FA1.93]
Nun cxie regis gxojo.[FA1.49]
Nenie mi havis tian bonan akcepton.[Rz.80] = En neniu loko mi havis...
Pli bela regxidino ol sxi trovigxis nenie en la mondo.[FA1.104]
Kiu kutimis cxion jugxi, nenie povas rifugxi.[PE.1027]
Oni povas aldoni rolvortetojn al lokaj tabelvortoj por montri movigxon k.s.:
Sonorado al li venas, sed de kie — li ne komprenas.[PE.2338] = ...sed de kiu loko...
For de tie cxi![FE.26] = Iru for...
Ho, se vi estus malproksime de cxi tie![FA2.37]
El kie vi estas?[FA2.37] = El kiu loko...
Cxiuj sociaj klasoj, agxoj, nacioj pusxigxas tie, tra kie mi intencis iri.[M.39]
Se la pordo de la gxardeno estis nefermita, li povus tra tie eniri.[BV.60]
Post lokaj tabelvortoj oni povas meti N-finajxon por montri direkton:
Kien vi iras? — Mi iras en la gxardenon.[FE.26]
Kien vi vin turnos, cxie malbone.[PE.891]
Fadeno iras, kien kudrilo gxin tiras.[PE.554]
Rigardu tien cxi.[BV.66]
Kun helpo de Dio mi trabatis al mi vojeton rekte tien, kien estis necese.[Gm.58]
Kiam mi, la sonorilo [...], svingigxadis tien kaj reen, mi povus frakasi al li la frunton.[FA4.69]
La malvivan korpon li ien trenis for.[H.113]
La infano [...] turnadis cxien la okulojn, en kiuj vidigxis miro kaj timo.[M.7]
Mi nenien plu iros hodiaux.[M.128]
Tiea, cxi-tiea[FE.30], cxiea k.t.p. = "trovigxanta tie, cxi tie, cxie" k.t.p.: La tieaj Esperantistoj estas tre gastigemaj. / Kiel urbestro de la cxi-tiea urbo mi havas la devon zorgi pri tio, ke al la traveturantoj [...] estu nenia premado.[Rz.29] La cxiea pluvo detruis nian vojagxon.