Duobla kaj estas uzata por emfazi kaj insisti. Oni tiam metas kaj antaux cxiuj kunligitaj aferoj, ankaux antaux la unua. Parole oni tiam normale emfaze akcentas je kaj:
Kaj Petro kaj Karlo laboras. Insisto pri tio, ke ne nur unu sed fakte ambaux laboras.
Kaj pluvas kaj blovas. Insisto pri tio, ke ambaux agoj okazas.
Petro kaj fumas kaj drinkas. Insisto, ke li fakte faras ambaux agojn.
Kaj ilia amo, kaj ilia malamo, kaj ilia jxaluzo jam de longe malaperis.[Pr.9] Insisto, ke cxiuj tri aferoj malaperis.