Bazaj detaloj:
| Verkisto(j): | JOHANSSON, Sten |
| Eldonejo kaj jaro: | ESE, Stokholmo 2002 |
| Tipo de instruilo: | legolibro |
| Nivelo: | por komencintoj |
| Celgrupo: | internacia |
| Nacia(j) lingvo(j): | esperanto |
| Aĝgrupo: | plenkreskuloj |
Pliaj, detalaj informoj
Nia opinio:
La rakonto celas komencintojn, konantaj la bazon de vortostoko
kaj gramatiko de Esperanto. La leksiko kaj la gramatiko laŭpaŝe malfaciliĝas,
tamen ĝisfine restas simplaj kaj facile kompreneblaj. Tre utilas la librofinaj
postklarigaj de la aŭtoro pri la ofteco de la utiligitaj vortoj.
Konsilindas legigi la libron al kursanoj, eble post la aliaj du rakontoj
La krimo de Katrina
kaj Vojaĝo kun Katrina.
En la nuna verko la intrigo okazas inter junuloj en Stokholmo, dum KEF,
unu el la famaj Kulturaj Esperantaj Festivaloj. La leganto facile povas
imagi la etoson kaj programojn de tiaj aranĝoj, sekvi la aventurojn de
kelkaj el la partoprenantoj, identiĝi kun la du senŝancaj admirantoj
de bela organizantino, kaj kiel ankaŭ en aliaj verkoj de la aŭtoro alfronti
ankaŭ nejustajn pro-politikajn malfacilaĵojn de partoprenanto (nun el
Rusio).
La polico intervenas senkore en grava momento, sed eble la legantoj el
malriĉaj landoj trovas ĉi tie bonan solvon rapide, komforte kaj eble
senpage vojaĝi hejmen post tiaj aranĝoj. (Pri la konsekvencoj de tia
solvo nek la recenzanto, nek la aŭtoro prenas respondecon!)
Recenzo(j):
MONATO, 2004/3. 23p.
Opinio de la legantoj:
Ankoraŭ ne estas.
Aldonu propran komenton:
Ni ŝatus scii ankaŭ vian opinion pri la lernilo.
Bonvolu skribi ĝin al nia redakcio en aparta mesaĝo.
Bonvolu ne forgesi krom la teksta opinio doni ankaŭ poentan valoron
de 1 (malbona) ĝis 5 (tre bona).
Post la sendo de la mesaĝo via teksto kun la poentoj estos alŝutitaj
al la reta versio de la paĝaro.
Ni antaŭdankas vin pro via kontribuo.
Jen la adreso kien vi skribu: redaktanto@edukado.net