tradukoj: be br cs de en es fi fr hu it nl pl pt ru sk tp tr

^*afer/o [1]

^*afero

1.

Ĉio ajn kio estas en la mondo, konkreta aŭ abstrakta, nedifinite montrata: sen povo kolero estas ridinda afero [2]; dum mia vojaĝo mi vidis interesajn aferojn; gravaj aferoj; scienca afero; pri kiu afero li parolas?; eĉ la plej nekredeblajn aferojn li kredas^Z. aĵo, objekto.

2.

Objekto de posedo, okupo, celo: la afero ne urĝas [3]; paroloj kaj faroj estas malsamaj aferoj [4]; ne juĝu pri afero laŭ ĝia ekstero [5]; aranĝi la aferon [6]; nun ni transiru al la afero^Z (la diskutata temo); al la afero! [7]; pri kio estas la afero? [8]; saĝa tenas aferon, malsaĝa esperon [9]; mi formetas de mi ĉian oficialan rolon en nia afero^Z; zorgu pri viaj aferoj!; tio estas alia afero; estas lia afero (tio koncernas lin) skribi al lia patro; min ne tuŝas la afero, mi staras ekstere [10].

3.

Socia interago:

a)

Tio, kio estas diskutata antaŭ juristo: mi esperas, ke mia afero baldaŭ venos antaŭ la tribunalo; krima, sensacia afero.

b)

Komerco, negoco: negocaj aferoj estas severaj [11]; amikeco aparte, afero aparte [12]; tago festa, for aferoj [13].

afera

Rilata al afero:

a)

bestaj radikoj kaj multaj aferaj radikoj signifas en verba formo „agi kiel tia besto aŭ afero“ [14].

b)

ĉe sociaj kaj aferaj kunvenoj kutime kaj laŭmore estas saluti kaj adiaŭi ĉiun personon individue, per manpremo [15]; retpoŝto estas tre efika en persona kaj afera korespondado [16].

afereca

Havanta aŭ afektanta seriozecon aŭ alian econ, necesan por pritrakti gravajn aferojn: afereca tono; fakte temas pri preskaŭ scienca faklibro en tre sobra afereca kaj preskaŭ senriproĉa lingvaĵo [17].

aferema

Inklina okupiĝi pri siaj aferoj; tre okupita de ili, aŭ ŝajniganta sin tia: antaŭe iras du aferemaj homoj kaj petas kamaradojn gejunulojn iome doni vojon [18]; tio ŝajnas stranga, ke en aferema kaj agema Usono ekzistas tiuj personoj [19].

aferisto

Profesiulo pri aferoj^3.b: lastatempe mi estis laborinta pli forte ol iu ajn el tiuj aferistoj, kies sorton mi tiom arde volis eviti [20]; Hadda estis ne nur teatrogeniulo, li estis ankaŭ ruza aferisto, scianta kiom valoras bona organizado [21]; mi metis ĉion en aferistan tekon [22].

amafero

Ama kaj seksa interrilato.

havi aferon kun

(frazaĵo) Pro negoco, juĝafero aŭ alia socia neceso rilati kun: tiam la rabistoj komprenis, ke ili havas aferon kun sekreta sorĉa forto, kaj kun timego ili forkuris [23]; ĉu ni povis scii, kun kiu kaj kio ni havos aferon? [24].