tradukoj: be br de en es fa fr nl pl pt ru sk sv

^*akr/a

^*akra

1.

Karakterizas ion kies rando estas tranĉa aŭ pika: tre akra razilo; akraj dentoj^Z; malgranda birdeto, sed akra ungeto[1].

2.

Karakterizas ion posedantan pintan, pikforman ekstremon; akuta: la river-fluo faras ĉi tie vere akran angulon [2]; la plej antikva kvartalo troviĝas en la iom akra angulo formata de la kunfluantaj riveroj [3]; li ridetis kaj pinĉis sian akran barbeton [4]; okjara knabino kun akra mentono kaj saĝaj brilaj okuloj [5]; lia nazo estis rekta, iomete akra, kaj liaj malfermitaj lipoj tre sentemaj [6]; super la verdaj kvadratoj de la kampoj ... leviĝis en malproksimo monteto griza, melankolia, kun stranga akrangula supraĵo [7]; la bonodora fojno igis ĉiun preterirantan ĉevalon akrigi la orelojn^Z.
Rim.: „pinta“ estas adjektivo rilata, „akra“ estas kvalita; oni senhezite povas diri „tre, pli akra“ ― sed pri „pinta“ tio sonus ĝene. Akuta angulo estas kaj akra, kaj pinta; malakuta angulo estas pinta sed ne akra.

3.

Impresanta forte kaj dolorete la sentumojn: sono^Z, kontrasto^Z, brilo^Z, bojado^B, ruĝo, fajro^Z, vento^Z, doloro; la vintro venis frue, estis akra frosto [8]; la pordo brue malfermiĝis kaj de la sojlo eksonis virina voĉo akra kaj penetranta [9].

4.

(io) Severega, malmilda: akra batalo, krizo; tiaj periodoj de akra malsaniĝo ofte okazas en la daŭro de ĉiu kronika kataro [10]; (nia afero) jam pene travivis ekstreme malfacilajn eksterajn cirkonstancojn kaj akrajn internajn krizojn [11]; akraj mokoj^Z, riproĉoj^Z; akra fono^Z; se vi havas akran ĵaluzon kaj malpacon en via koro, ne fieru, kaj ne mensogu kontraŭ la vero [12]; la sinjoro akre atakos la pastrojn [13].

5.

(io) Sagaca, subtila, penetranta: gasto havas akrajn okulojn [14]; ĉiuj membroj de tiu familio havis akrajn orelojn, ili aŭdis ĉiun vorton, kiun diris la najbara kokino [15]; li posedis akran intelekton, kaj sciis tion [16]; li havas menson akran kiel la razilo akraj okuloj ; ŝi observis lin akre per ŝajne mallevitaj okuloj^Z.

akraĵo

1.

Tranĉrando.

2.

Akuta rando; eĝo: la akraĵoj de tegmentoj havas iafoje ornamitajn tegolojn.

akrigi

Fari akra: akrigi malfacilan situacion; sperto saĝon akrigas[17]; lernado de Esperanto akrigas la komprenon de la gepatra lingvo; tiu deklaro pliakrigis la disputon; la ekonomia krizo pliakriĝis; la apetito akriĝados dum la manĝado^Z; maljuneco malakrigas la vidadon; post longa uzo malakriĝas la tranĉiloj.

akrigilo

Ŝtono aŭ ilo por akrigi klingojn: li prenis tranĉilegon, li ĝin akrigis sur longa akrigilo [18].