tradukoj: be br ca cs de en es fa fr hu it ku nl pl ru sk sv tp tr

^*amik/o

^*amiko

Persono, amata kaj amanta, kiu estas korligita kun alia pro inklino sed ne pro seksamo, nek pro familianeco: ne riproĉu vian amikon [1]; amiko en ĝojo kaj ploro[2]; amikon montras malfeliĉo[3].

amika

Propra al la rilatoj inter amikoj: amika helpo, konsilo, riproĉo; ili iris viziti unue Palliason, kiu bone konis ilin ambaŭ, kaj kun kiu ili estis en intima, amika kontakto [4]; amike via (konkluda salutfrazo de letero).

amiki

Esti en amikaj rilatoj: kiam la Poeto amikas kun Muzo, ŝi kantas per juna, pura, bela, gaja, ama voĉo [5]

amikaĵo

amika ago, montro de amikeco: fari amikaĵon al iu; prezentu al via patro miajn amikaĵojn.

amikeco

Situacio de amikaj rilatoj kaj sentoj inter homoj: mi vivas kun li en granda amikeco [6]; ne ekzistas en komerco amikeco nek ŝerco [7].

amikiĝi

Starigi amikan rilaton: li amikiĝis kun malbonaj kolegoj [8].

amikino

Ino kiu estas en amikaj rilatoj kun aliaj homoj: Sur la kampo for de l' mondo, || antaŭ nokto de somero, || amikino en la rondo || kantas kanton pri l' espero [9].

malamiko

1.

Persono de kiu oni estas malamata: estinta amiko estas plej danĝera malamiko [10].

2.

Kontraŭulo, kontraŭbatalanto.

3.

Kontraŭmilitanto: malamiko venis en nian landon [11]; la malamikoj decidis sieĝi la urbon.

falsa amiko

Vorto de unu lingvo, kiu similas al vorto alilingva forme, sed ne sence, tial kaŭzante konfuzojn: falsa amiko por multaj Esperanto-lernantoj estas la vorto „brava“. Aplikata al militisto ĝi ja povas signifi „kuraĝa“, „sentima“, sed la baza signifo estas „brile lerta en sia arto“ [12].

koramiko

amanto ²

koramikino

amantino ²