tradukoj: be br cs de en es fr hu pl ru sk

^*blov/i

^*blovi

1.

(ntr)
Puŝi, ekmovi la aeron iamaniere: fortega vento blovas [1]; blovi sur la varman supon; blovi sur la fajron por ĝin eksciti; blovi en fluton; blovu per trumpeto inter la nacioj [2]; blovi per la korno de ribelo^Z.

2.

(tr)
Puŝi la aeron sur aŭ en ion: blovi la supon^Z; blovi la teon^Z; blovi trumpeton^Z; (figure) tiu espero blovas freŝan forton en niajn brustojn; reblovi en iu la fajron de l' venĝemo^Z.

blovo

Puŝo de aero: diru al mi, ĉu ni parolos pri la vetero kaj blovo, aŭ ĉu ni estos sinceraj [3]?

blovado

Granda aŭ daŭra puŝo de aero: neĝa blovado (neĝa ventego) [4]; aŭdiĝis blovado de delikata venteto [5].

blovaĵo

La aero, spiraĵo, odoro, kiu estas eligata aŭ alportata de la blovado: kovrita de tuko el blanka neĝa blovaĵo [6]. aromo, haladzo, parfumo

blovilo

Speciala ilo por blovi: li revigligis la fajron per blovilo. balgo

ĉirkaŭblovi

Ĉirkaŭi blovante, blovi al la ĉirkaŭo de: la akra vento ĉirkaŭblovis lian korpon [7].

disblovi

Disigi per blovo: ili estas kiel grenventumaĵo, kiun disblovas la vento [8]; (figure) disblovi la iluziojn de iu.

^*forblovi

Forigi per blovo: la vento forblovis de mia kapo la ĉapon [9]; la vento forblovis la nubojn^Z.

trablovo

Fluo da aero, kiu trairas ejon aŭ lokon de iu flanko al alia kontraŭa: la trablovoj estas ĉiam danĝeraj por la sano.

plenblovi

Ŝveligi, pufigi per blovo: plenblovi sapan vezikon; plenblovita velo^B; plenblovi la lipojn (malŝate) [10]; plenblovi sin de malhumileco [11].

spirblovi

Blovi elspirante: la maljuna ĉevalo ... svingadis la voston, spirblovadis kaj ... vane penis kuri pli rapide [12].

bloveksciti

Eksciti blovante: blovekscitante la fajron [13]

blovestingi

Estingi blovante: blovestingi kandelon.