tradukoj: be de en es fr hu pl pt ru sv

^*energi/o [1]

energio

1.

Forto de la volo, streĉita al iu celo, kaj persista por ĝin atingi: li ĉiam montris grandan energion; energidona manĝaĵo.

2.

Fizika grando, esprimanta la kapablon fari laboron: la dimensioj de energio estas ML²T^-2; elektra, ĥemia, atoma, potenciala, kineta energio; varmoenergio; muskola energio. ĵulo.

energia

1.

Posedanta energion: energia karaktero, estro.

2.

Forte impresanta, drasta : energia esprimo, muziko.

energiismo

Kosmologia sistemo, en kiu oni konsideras la energion, kaj ne plu la materion kiel la substancon de la fizika mondo.

akvenergio, akvoenergio

Energio portata de naturaj akvomovoj aŭ akvovarmeco, kaptebla per turbinoj aŭ aliaj aparatoj: akvoenergio el ondoj de la maro aŭ el riveroj [2].

kernenergio, nuklea energio

Energio eligata de atomkernoj, precipe dum ilia fendiĝo, uzata en nukleaj centraloj: la procezo de fisio estis renkontita plurfoje dum la esploroj pri kernenergio dum la tridekaj jaroj de la 20-a jarcento, sed ili ne estis ĝuste interpretitaj ĝis 1939 [3]; mi estas forta kontraŭulo de nuklea energio [4].

fosilia energio

Energio produktata per bruligo de fosiliaj substancoj: tergaso, karbo, naftoderivaĵoj: tutmonda klimatŝanĝiĝo daŭras kaj fosilia energio ankoraŭ elĉerpiĝas [5].

sunenergio

Energio portata de sunradiado, kaptebla kaj reuzebla per diversaj aparatoj, interalie sunĉeloj: sunenergia forno ... ne bezonas brulaĵon [6].

tervarma energio, geoterma energio

Energio el la internaj tavoloj de la tero, spontane disponebla en naturaj varmaj akvoj aŭ kaptebla per diversaj subteraj ekipaĵoj: nun, ventoenergio, sunenergio, tervarma energio ... estas uzataj en ĉiutaga vivo de tibet-naciaj kamparanoj kaj paŝtistoj [7]; plej ofte oni produktas per la geoterma energio elektran kurenton [8].

ventenergio

Energio portata de vento, de aermovoj, kaptebla per veloj, ventoturbinoj kaj aliaj aparatoj: Kalifornio produktas pli da ventenergio ol iu ajn alia ŝtato en Usono [9].