tradukoj: af be bg ca cs da de en es eu fi fr gl hr hu ia id it la nl no oc pl pt ru sv sw tr vo zh

^*franc/o

franco

1.

Ŝtatano de Francujo.

2.

Homo kun franca nacieco: se ekzemple iu franco aŭ hispano ne komprenus la principon de la sengenteco de la tero mi ne mirus, ili tiel kutimiĝis vidi ĉirkaŭ si nur samgentanojn, aŭdi nur unu lingvon, ke estus tute pardoneble se ili profunde kredus ke lando kaj lingvo kaj religio estas identaj [1]; tutajn jarojn devas uzi franco aŭ anglo por tio, ke li ekpovu regule skribi en sia patra lingvo [2].

franca

Rilatanta al francoj, ilia nacieco aŭ ŝtato: en Aŭgusto 1905 en la franca urbo Boulogne sur Mer havis lokon la unua tutmonda kongreso de esperantistoj, kies sukceso superis ĉiujn atendojn [3]; li ne estis amanto de la francaj romanoj kiuj estas preparitaj el vento kaj sekvinberaj trunketoj [4]; ekzemple en la lingvo germana kapo havas viran sekson, en la lingvo franca virinan kaj en la lingvo latina neŭtralan [5].

franca lingvo

Oficiala lingvo de la franca ŝtato.

franclingvano

Parolanto de la franca lingvo.

Francujo

Ŝtato situanta en okcidenta Eŭropo kaj limanta okcidente al Atlantiko, norde al Belgujo, oriente al Svislando, sude al Hispanujo k. a.: Anglujo, Germanujo kaj Francujo alsendis reprezentantojn [6]; de la bordoj de Francujo eksonis krio de timego antaŭ la sangaj cignoj kiuj aperis el la nordo kun fajro sub la flugiloj kaj la popolo preĝis [7].

mapo