tradukoj: be de es fr hu nl pt ru

^*ia

^*ia

Nedifina adjektivo, signifanta: „de ne precize difinita speco; de mi ne scias kia kvalito“: vi devis elekti ian vorton pli simplan^Z; tie mi sentis min ia fremdulo^Z; via vino estas nur ia abomena acidaĵo [1]; tie ĉi estas ia kaŝita afero^Z; li intencas ian friponaĵon^Z; ĝi estas ia speco de malbona antaŭsento^Z; tiu artikolo estas nur ia kolekto da kalumnioj; per ĉiuj dioj, se iaj ekzistas, mi ĵuras, ke... [2]; ni ne estas iaj teoriaj fantaziuloj [3]; multe helpi al vi per iaj bonaj konsiloj mi ne povas, ĉar mi neniam ankoraŭ partoprenis en ia kongreso^Z; timigita de ia ŝajnaĵo^Z; la dramo havis lokon en ia urbeto de Italujo^Z; al la patrino estas necese havigi ian negrandan komforton^Z; neniu povas diri, ke mi havas ian rilaton al la afero^Z; tiu ĉi ĉapitro havas nun intereson nur historian, se ĝi havos ian^Z.
Rim.: ia montras nur la kvaliton, la naturon, la specon, la econ, sed neniel la individuecon. Tamen ĉi tiu diferencigo estas ofte indiferenta; tial Z rimarkigas, ke „ofte oni povas sen eraro diri ia, kia, nenia anstataŭ iu, kiu, neniu“.

sen ia

sen ia kaŭzo; sen ia ŝanceliĝo^Z; unu viro sen ia celo streĉis la pafarkon, kaj pafe trafis la reĝon de Izrael [4]; ŝtono sen ia mano deŝiriĝis de monto [5]; ni povas tion ĉi antaŭvidi kun plena precizeco kaj certeco, sen ia ombro da dubo [6]; la Esperantistoj agadis la tutan tempon preskaŭ tute sen iaj materialaj rimedoj [7].

sen ia eĉ plej malgranda

Sen ajna, sen ia ajn: ni renkontas en la lingvoj naturaj grandegajn malfacilaĵojn [, kiuj en lingvo arta povas esti elĵetitaj] sen ia eĉ plej malgranda difekto por la fleksebleco, riĉeco kaj precizeco de la lingvo [8]; [mi estas] taksata sen ia eĉ plej malgranda dubo kiel monstro, venenisto, murdisto [9]. sen ioma.