tradukoj: be de fr hu nl pt ru vo

^*iom[1]

^*iom

1.

Nedifinita sed plej ofte, en praktiko, malgranda kvanto aŭ nombro: donu al mi iom da teo, iom da pano; preni iom el la sango^Z; mi volus havi iom de tiu kuko, iom el via riĉeco; iom da tempo; en ĉiu malbono estas iom da bono [2]. ero, floko, grajno ², guto, ombro

2.

En nedifinita sed plej ofte, en praktiko, malalta grado aŭ mezuro: post du horoj [la forno] estis nur iom varmeta [3]; per helpo de vortaro [...] mi komprenis iom vian leteron [4]; iom malfrue; mi ankaŭ aŭdis kaj mi iom kredas^Z.

ioma

Neprecize etkvanta aŭ etnombra: sekvis [...] ioma senzorgemo [...] en la monda politiko [5]; la parolantino volis [per la tono de la voĉo] esprimi samtempe surprizon, virinan ofendiĝon kaj ioman deziremon [6]; iomaj aŭskultantoj protestis. kelkaj, pluraj

kelkiom

En iu kvanto, iagrade, iom: ni devis ĝis la loko de nia noktumado pasi ankoraŭ kelkiom da kilometroj [7]

iom post iom, iompostiom

Malsubite, per etaj sinsekvaj kvantoj: kun la tempo, la formo nova iom post iom elpuŝos la formon malnovan, kiu fariĝas arkaismo [8]; tiel iompostiom, post dekkvin tagoj mi sendanĝere ellitiĝis, duonsana, sed malsatanta [9]. guto, nesto, paŝo,

iom-post-ioma, iompostioma

Laŭtempe evoluanta per etaj ŝanĝoj: iom-post-ioma unuiĝo de la homaro [10]; multaj reviziantoj estis varbitaj per iompostiomaj personaj kontaktoj [11].

poioma

iompostioma en la dua duono de la 17-a jarcento Gniezno notis poioman falon pro la svedaj invadoj, infektoplagoj kaj ŝanĝo de komercaj itineroj [12].

sen ioma

Sen ajna, sen iom ajn: tiun depozicion Gordens faris afereme kaj malrapide sed sen ioma hezito [13]; Hamul [...] devis igi sian beston, ne sen ioma peno, kaŭri, por ke li povu elseliĝi [14]. sen ia; sen ia eĉ plej malgranda.