tradukoj: be de en fr hu pt ru

^*krak/i [1]

^*kraki

Brui seke pro ŝirado, krevado aŭ rompado: la hela fajro gaje krakadis^Z; krakis pafo post pafo [2]; krakis vangofrapo^Z; krakis tamburo^Z; kafmuelilo .... komencis krakadi [3]; krakis motoro; la malgranda Niko krakadis tiam per sia vipo [4]; pezaj radoj krakis obtuze [5]; vento krakigas kaj rompas arbojn; sekaj folioj krakadas^Z; kun krakanta (ridkrakanta) tono de gajigisto^Z; li mensogas tiel, ke la muroj krakas [6]; (figure) tiam ekkrakis (eksplodis) la milito; krakmanĝeti macojn^Z.

krak

Bruo de krevo, de rompo: „krak!“ la silikvo krevis, kaj ĉiuj kvin pizoj elruliĝis [7].

krako

Bruo de io krevanta, rompiĝanta: la pordo fermiĝis kun laŭta krako; estis krako, kvazaŭ la ĉielbarilo krevis^Z; la krakoj de la tondro^Z; la krakado de la teleroj kaj pladoj en la kuirejo^Z;

kraketi

Eligi mallaŭtan ripetitan krakon: estis tiel malvarme, ke la neĝo kraketis sub la piedoj [8]; la hajlo kraketas sur la tegmento; ŝi prenis rozan sukeraĵon kaj, kraketigante ĝin en siaj blankaj dentoj [9]...

diskraki

Rompiĝi kun krako; eksplodi: (figure) kiam la Habsburga imperio diskrakis (dispeciĝis), la ĉeĥa popolo iĝis sendependa regno;

enkraki

Eniri kaj instaliĝi en malplena loĝejo, kiun oni ne proprumas: inter politikaj partioj grandaj kaj etaj, sindikatoj, ... enkrakistoj, edukaj organizaĵoj ktp. oni kalkulis pli ol 200 kolektivojn kaj asociojn [10]; ĵus estis akuzita la estro de „Junsocialista Partio“ pro enkrakado de domo [11].