tradukoj: be bg br cs de el en fr hu nl pl pt ru sv

^*lamp/o [1]

^*lampo

Daŭra lumigilo havanta rezervon da bruligaĵo aŭ konstante ricevanta energion: petrola lampo; elektra, minista lampo.

lampingo

Objekto, en kiun oni ŝovas lampon por ĝin fiksi: ĉu lampo enportiĝas, por esti metita sub grenmezurilon aŭ sub liton, kaj ne por stari sur la lampingo? [2]. lumingo

halogenlampo, halogena lampo

Elektrolampo kun ampoleto entenanta halogenon, kiu konservas la filamenton: malgranda hejtilo kun halogenaj lampoj [3].

neonlampo

Elektrolampo funkcianta per neono: ĝia neonlampo kun skarlataj literoj melankolie prilumas la straton [4].

olelampo, oleolampo

Lampo kun meĉo ĉerpanta brulaĵon el olea rezervujo: olelampoj estas la komunaj lumigiloj de romianoj; por kompletigi niajn preparojn, ni bezonas malgrandan oleolampon, sankta pastro [5].

poŝlampo

Malgranda, facile kunportebla lampo: du akre brilaj poŝlampoj celis al mi [6].

stratlampo

Lampo prilumanta urban straton dum la nokto: ĉe stratlampo staris maljunulino etendante sian manon, sed kaŝante la vizaĝon [7].

tablolampo

Surtabla lampo prilumanta la tablan surfacon: la tablolampo estas envolvita en la ruĝa ŝtofo, lasante nur mallarĝan strion de la radioj, falantaj rekte la manuskripton [8].