tradukoj: be bg ca cs de en es fa fr hu ja nl pl pt ru sv

^*pluv/o [1]

^*pluvo

Akvo gute falanta de nuboj: pluvo faladis [2]; batanta (fortega) pluvo^Z; griza, pluva, kota ... tago [3]; trafi, fali el sub pluvo en riveron^Z (en ankoraŭ pli malbonan situacion, flamo); pluvŝirmilo; pluvdefluilo, pluvtubo; (figure) tiam komenciĝis pluvo (multo, amaso. hajlo, torento, rivero, fasko, garbo) da sukcesoj; (figure) pluvo da kisoj.

pluvi

Fali (parolante pri pluvo): pluvi kvazaŭ la akvo estus verŝata per trogoj, per siteloj^Z; pripluvata lando^Z; (figure) ĉiaj benoj pluvas sur ilin^B; (figure) la insultoj, la monpunoj pluvas; mi pluvigos sur la teron dum 40 tagoj^Z; (figure) pluvigi batojn sur iun.

pluvegi

Forte, dense pluvi: pluvegis, sed la poeto sidis varme kaj komforte ĉe sia kahela forno [4].

pluvego

Forta, densa pluvo: rifuĝejo kontraŭ pluvego [5].

pluveti

Malforte, maldense pluvi: pluvetis dum tagoj kaj semajnoj [6].

pluveto

Malforta, maldensa pluvo: kiam vi vidas nubon leviĝantan en la okcidento, vi tuj diras: Venos pluveto; kaj tiel fariĝas [7].

acida pluvo

Pluvo aŭ alia atmosfera precipitaĵo pli acida ol normale pro enhavo de sulfuroksido, azotoksido, kiu havas detruan efikon al kalkaĵoj kaj vegetaĵoj: la sulfuraj kombinaĵoj ... estigis la acidajn pluvojn [8].

senpluveco

Daŭra manko de pluvo en iu loko: la senpluveco plimalbonigis la situacion kaj manĝaĵoprezoj altegiĝis 330 procentojn [9].

pluvoverŝo[10]

Forta, densa pluvo. Dum pluvoverŝo tri viroj ... renkontiĝas ĉe la ruinoj de Raŝomon... [11]