tradukoj: be bg cs de en es fr hu nl pt ru

^*radi/o

^*radio

1.

Ĉiu aparta rektlinia elsendaĵo el fonto de lumo, varmo, elektro aŭ ia ajn vibrado: sunaj, transviolaj radioj. kisi.

2.

(arkaismo) [1] Radiuso: armeo estas nenie en almenaŭ trimejla radio (en cirklo kun trimejla radio) ^B; la rigardo ĉirkaŭprenis en kelkmejla radio preskaŭ la tutan provincon^B.

3.

[2]duonrekto.

4.

(figure) Io, kio iras de iu centra punkto, discelante kiel branĉoj de ventumilo: radioj de rado; aleoj aranĝitaj radie ĉirkaŭ centra fontano; fontoj en formo de dikaj radioj de akvo^Z; radio da varma sango elŝprucis^Z.

5.

(figure) Ĝojbrila aspekto: super la vizaĝo de la patrino kuris radio da feliĉo^Z; radio da espero; radiluma estonto.

6.

Radiofonio, radiado 4: radistacio, radiostacio.

radii

1.

(x)
Eligi kaj dissendi radiojn de lumo, varmo aŭ vibrado: la suno radiis oblikve; la kupolo de la templo radias en la suno^B; en la varmaj landoj la suno radias (radie dissendas) alian varmegon ol ĉe ni^Z; radiantaj substancoj (figure) lernejo estas fajrejo disradianta la spiritan vivon; lumo, kiu povus priradii la problemon^Z.

2.

(ntr)
Disiri de iu punkto discelante kvazaŭ radioj de rado: pavoj kun etenditaj radiantaj vostoj^Z; el tiu placo elradias 6 stratoj.

3.

(figure) Ĝoje aŭ pompe brili: ŝiaj okuloj radiis^Z; radianta rideto^Z; li radiis de feliĉo^Z; la plej fiera, kies filinoj radias de beleco^B; ŝi leviĝis ridetanta kaj radianta^B; lia vizaĝo radiis pro ĝojo; el lia persono radias majesteco; la milkolora beleco de la floroj radias en la ĝardenoj; li lumradiis de ĝojo^Z.

4.

Uzi radiofonion, dissendi radiofoniaĵojn per radiondoj.